પ્રતિભાવો ઉર્ફે Comments

Monday, February 10, 2014

વિનોદ સાકરલાલ મોદી : ભણતર-ગણતર ગોધરામાં, કર્મભૂમિ કલ્યાણ અને વિદાય વડોદરામાં

વિનોદ સાકરલાલ મોદી / Vinod Sakerlal Mody
01-04-1936થી 02-02-2014

નિવૃત્તિ પછીનો આંશિક સમય અમેરિકામાં બે પુત્રોના પરિવાર સાથે ગાળનાર વિનોદકાકાનું રવિવાર 2 ફેબ્રુઆરી 2014ની સવારે 78 વર્ષની વયે વડોદરામાં અવસાન થયું. નાનો પુત્ર અર્પિત અમેરિકાથી આવી પહોંચતા મંગળવાર 4 ફેબ્રુઆરીની સવારે વતન ગોધરામાં પરિવારજનોની ઉપસ્થિતિમાં તેમની અંતિમવિધિ સંપન્ન કરવામાં આવી.

સગપણમાં વિનોદકાકા / Vinod Sakerlal Mody મારા પિતા (સ્વર્ગસ્થ પ્રફુલ મોદી / Late Praful Modi / http://binitmodi.blogspot.in/2013/10/blog-post_23.html)ના માસીયાઈ ભાઈ અને એ રીતે મારા કાકા થતા હતા. અગાઉ અહીં હું જેમના વિશે લખી ગયો છું તે સુરેન્દ્રકાકાના / Late Surendra Mody / http://binitmodi.blogspot.in/2013/07/blog-post_30.html સગા નાના ભાઈ.

1 એપ્રિલ 1936ના રોજ ગોધરા (જિલ્લો: પંચમહાલ)માં જન્મેલા વિનોદકાકાએ / Vinod Mody અમદાવાદની એલ.એમ. ફાર્મસી કૉલેજમાંથી / L.M. College of Pharmacy, Ahmedabad / http://lmcp.in/ બી. ફાર્મનો અભ્યાસ કર્યો હતો. કારકિર્દીના પ્રારંભની એકાદ-બે નોકરી પછી તેઓ મફતલાલ ગ્રૂપની કેમિકલ કંપની ઇન્ડિયન ડાયસ્ટફ ઇન્ડસ્ટ્રીઝમાં જોડાયા હતા અને નિવૃત્તિ સુધીનો પૂરો સમય કંપનીના કલ્યાણ (જિલ્લો: થાણે, મહારાષ્ટ્ર) / Kalyan, District: Thane, Maharashtra State યુનિટ સાથે જોડાયેલા રહ્યા હતા. માતા – પિતા (પાર્વતીબહેન અને સાકરલાલ મગનલાલ મોદી) તેમજ વતનથી ખાસા દૂર તેઓ દિવાળી – નૂતનવર્ષના તહેવારની ઉજવણી કરવા પરિવાર સાથે અચૂક ગોધરા / Godhra, Gujarat આવતા અને સૌને મળતા. નિવૃત્તિના થોડા વર્ષો પછી તેઓ અમેરિકા દીકરાઓ સાથે જઈને વસ્યા હતા. તેમનો વતનઝૂરાપો અને પરિવારજનોને ઉમળકાભેર મળવાનો ખ્યાલ એવો મજબૂત હતો કે પાંચ વર્ષ અગાઉ તેમણે વડોદરાને / Vadodara તેમનું બીજું ઘર બનાવ્યું હતું. દોઢ-બે વર્ષે એકવાર અહીં આવીને તેઓ તેમનો પ્રવાસનો શોખ પણ મિત્રો સાથે રહીને પૂરો કરતા હતા. એવા એક રાજસ્થાનના પ્રવાસમાં તેઓ મારા મમ્મી – પપ્પા (સુધા અને પ્રફુલ મોદી)ને પણ સાથે લઈ ગયા હતા.

અમેરિકાથી વાયા વડોદરા અમદાવાદ આવી પહોંચતા તેઓ અહીં પણ સૌ પરિચિતોને મળવા જતા હતા. એ રીતે જોતાં તેમના અવસાનના સમાચાર અમદાવાદ સ્થિત પરિવારજનો માટે આઘાતજનક બની રહ્યા. કેમ કે અવસાનના માત્ર ચોવીસ કલાક અગાઉ શનિવાર 1 ફેબ્રુઆરીની સવાર સુધી તેઓ અમદાવાદમાં ચંપાફોઈ – અરવિંદફુઆ (તેમના મોટા બહેન – બનેવી)ના મહેમાન હતા, તેમને મળવા આવ્યા હતા. પ્રતિકૂળ તબિયતને લઈને તેમણે આ વખતે કોઈને પણ મળવાનું ટાળી વડોદરાના ઘરે પહોંચી જવાનું ઠીક સમજ્યું હતું. એ રીતે આ તેમની છેલ્લી અમદાવાદ / Ahmedabad મુલાકાત બની રહી. રવિવારની સવારે બેચેની લાગવાની ફરિયાદ પછી પ્રાથમિક સારવાર મળે તે પહેલાં જ તેમનું દુઃખદ અવસાન થયું.

છ ભાઈઓમાં તેઓ બીજા નંબરે અને પાંચ બહેનો સાથેના પરિવારમાં તેઓ છઠ્ઠા નંબરે હતા. વિનોદકાકાના પરિવારમાં પત્ની સતુકાકી સાથે સંતાનોમાં બે દીકરાઓ પાર્થિવ / Parthiv (પુત્રવધૂ રેના) અને અર્પિત / Arpit (પુત્રવધૂ વૈશાલી)નો સમાવેશ થાય છે.

આઠ – દસ વર્ષની ઉંમરે મમ્મી – પપ્પા સાથે તેમના કલ્યાણના ઘરે રહેવા ગયો હોવાનું યાદ છે. વતનમાં દિવાળી કે તેની આસપાસના દિવસોમાં અનેકવાર જેમને મળ્યાની સ્મૃતિઓ મનમાં જડાયેલી છે તેવા સ્વર્ગસ્થ પાલીમાસી અને સાકરમાસાના સંતાનોના આ જગતમાંથી વિદાય પામતા જવાના સમાચાર પીડા આપનારા, ખાલીપો સર્જનારા બની રહે છે. તેમની પછીની પેઢીના મને એમ પણ લાગે છે કે અમે હવે બાળક મટી રહ્યા છીએ.


વતન ગોધરામાં ‘પાર્વતી’ બંગલાની પરસાળમાં પાડેલો એક ફોટો અહીં આ સ્થાને મુકવાની ઇચ્છા રોકી શકતો નથી. આ રહી તેમની ઓળખાણ. ઊભા રહેલા ડાબેથી – પ્રફુલ મોદી અને સુધા પ્રફુલ મોદી (મારા મમ્મી-પપ્પા), દમયંતી અરૂણ મોદી, સતુ વિનોદ મોદી, ઉર્મિલા સુરેન્દ્ર મોદી, હીંચકે બેઠેલા ડાબેથી ત્રણ ભાઈઓ અરૂણ, વિનોદ અને સુરેન્દ્ર સાકરલાલ મોદી.

5 comments:

  1. Ashvin Parikh (Mumbai, Maharashtra State)1 March 2014 at 14:10

    Thank You BinitBhai. The way of introduction of Mody Pariwar is as good as having known since long. Some time back, when I was on telephonic talk with Mr. Minesh Mody, your reference was almost there. Thank You...once again. Regards.

    Ashvin Parikh (Mumbai, Maharashtra State)
    (Response through FACEBOOK : 25 February 2014)

    ReplyDelete
  2. Varsha Pathak (Ahmedabad, Gujarat)1 March 2014 at 14:15

    પ્રભુ તેમના આત્માને શાંતિ અર્પે તેવી પ્રાર્થના.
    વર્ષા પાઠક (અમદાવાદ, ગુજરાત)

    (Response through FACEBOOK : 27 February 2014)

    ReplyDelete
  3. સૌ મિત્રો,
    બ્લોગની 94મી પોસ્ટ (10 ફેબ્રુઆરી 2014)ના વાચન / પ્રતિભાવો માટે આભારી છું.

    બિનીત મોદી (અમદાવાદ) / શનિવાર, 5 એપ્રિલ 2014

    ReplyDelete
  4. Sudhir Shah (Ahmedabad, Gujarat)3 February 2015 at 21:45

    વિનોદ ખરા અર્થમાં વિનોદ હતો...રિઅલ જેન્ટલમેન.
    સુધીર શાહ (અમદાવાદ, ગુજરાત)

    (Response through FACEBOOK : 3 February 2015, Post Re-shared on FIRST Death Anniversary of Late Vinod Mody)

    ReplyDelete
  5. પ્રિય મિત્રો,
    બ્લોગ ‘હરતાંફરતાં’ને પોણા ત્રણ વર્ષ પૂર્ણ થયા.
    94મી પોસ્ટનો પહેલા વર્ષનો રીડર સ્કોર છે : 10-02-2014 to 10-02-2015 – 390

    બિનીત મોદી (અમદાવાદ)

    ReplyDelete