પ્રતિભાવો ઉર્ફે Comments

Monday, November 19, 2012

ફેસબુક : ફન, ફંડાઝ અને ફેક્ટ્સ (ઑક્ટોબર – 2011)



સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના આશય માત્ર બે જ છે.
એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા તેમના સુધી પહોંચવાનો.
આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાનો વિચાર છે. આનો અમલ કરવાની કોઈ નિશ્ચિત તારીખ નથી તેમ આ ક્યાં સુધી ચલાવવું તે ય નિશ્ચિત નથી. હા, પ્રતિભાવ – કમેન્ટસ્ એ નક્કી કરવામાં ચોક્કસ મદદરૂપ થશે.
એ રીતે ઑક્ટોબર – 2012ના સ્ટેટસ અપડેટ ગયા પખવાડિયે અહીં મુક્યા પછી હવે પ્રસ્તુત છે ગત વર્ષના આ સમયગાળાના પ્રોફાઇલ સ્ટેટસ. જે તે દિવસના વાર, તારીખ સમયના ઉલ્લેખ નીચે એ દિવસનું સ્ટેટસ અપડેટ છે. ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું.
આભાર.

(Saturday, 1 October 2011 at 04:39pm)
ગુજરાતના મુખ્ય દૈનિકોમાં ઉત્તર પ્રદેશ સરકારની રાજ્યના જોવાલાયક ઐતિહાસિક સ્થળો – ડૉ. આંબેડકર અને કાંશીરામના સ્મારકો પર આજથી (ઓક્ટોબર 2011) ટિકિટ દરનો પ્રારંભ થઈ રહ્યો છે એ મતલબની આખા પાનાની જાહેરાત પ્રસિદ્ધ થઈ છે. તેમાં 'ઉત્તર પ્રદેશ બી.એસ.પી. સરકાર' એવું લખ્યું છે. રાજ્ય સરકારના નામ સાથે સત્તાધારી રાજકીય પક્ષનું નામ જોડવાનો આ પ્રયાસ સદંતર ગેરબંધારણીય ગણાવવો જોઈએ. વળી ત્રણ ચાર વર્ષ અગાઉ જ નિર્માણ પામેલા આ સ્મારકો 'ઐતિહાસિક' વળી ક્યારથી થઈ ગયા? જરા સોચો. આભાર.
* * * * * * *
(Tuesday, 4 October 2011 at 05:07pm)
મારું ભારત, મહાન ભારત.......છોકરીનું એક નામ એવું છે જે રાજસ્થાનમાં નામ ઉપરાંત 'અટક' પણ બની જાય છે તો છોકરાનું એક નામ એવું છે જે મધ્ય પ્રદેશમાં નામ ઉપરાંત 'અટક' બની જાય છે. આવા સવાલો 'કૌન બનેગા કરોડપતિ'માં કદી પૂછાવાના નથી એની ખાતરી રાખજો. જવાબ આ પ્રમાણે છે. છોકરીનું નામ મીના.......અને છોકરાનું નામ સાગર.......જવાબમાં સમજણ ના પડે તો પ્રશ્ન ફરીથી વાંચી જવા વિનંતી. એ પછી પણ સમજણ ના પડે તો 'લોગ આઉટ' થઈ જવું એ ઉત્તમ ઉપાય છે. આભાર.
* * * * * * *
(Tuesday, 4 October 2011 at 08:26pm)
સરકારી કોઈ પણ નીતિ-નિયમોને પોતાના હિતમાં ધોળીને પી જતી વેપારી આલમે કેન્દ્ર સરકારના પર્યાવરણ મંત્રાલયે મૂકેલા પ્લાસ્ટિક બેગના વપરાશ પરના પ્રતિબંધનો એવો સજ્જડ અમલ શરૂ કર્યો છે કે પ્લાસ્ટિક બેગના વિકલ્પે 'પેપર બેગ' આપી શકાય એ બાબત પર તેમનું ધ્યાન જ જતું નથી. વળી આવી 'પેપર બેગ' વેસ્ટ પેપરમાંથી જ ઓછા ખર્ચે બનાવી શકાય છે. આભાર.
* * * * * * *
(Wednesday, 5 October 2011 at 04:46pm)
આવતીકાલે ઓક્ટોબર 2011 દશેરા. વાહન ખરીદવાનું શુભ મુહૂર્ત. કયું વાહન ખરીદવું એવી મૂંઝવણ થતી હોય તો છેવટે બે પૈડાં વાળી સાઇકલ ખરીદીને પણ મુહૂર્ત સાચવી લેવા મારી ખાસ ભલામણ છે. કારણ કે ભવિષ્યમાં આ સાઇકલ જ આપણો સમય સાચવશે એવી સમજણ પેટ્રોલ ડીઝલના કમરતોડ ભાવે તો આપણને કરાવી જ દીધી છે. આભાર.
* * * * * * *
(Wednesday, 5 October 2011 at 06:14pm)
પ્લાનિંગ કમીશનના ચેરમેન મોન્ટેકસિંહ આહલુવાલિયાએ કરેલી ગરીબની વ્યાખ્યા પછી મેં 'તવંગર' એ બનાવેલું બજેટ : આજે માત્ર 14 રૂપિયાનું જ અનાજ કઠોળ અને 14 રૂપિયાનું શાકભાજી ખરીદી લાવ્યો છું. આ બધું ખરીદવા માટેના ભાવતાલ મોબાઇલ પર કરવા જતા ચાર (4) રૂપિયાનો ટોક ટાઇમ વપરાયો  એટલે છ (6) રૂપિયા ઉધાર રાખી 10 રૂપિયાનું 'છોટા રિચાર્જ' કરાવ્યું. હવે આવતીકાલના 32 રૂપિયામાંથી પહેલા ઉધારના છ રૂપિયા ચૂકવીશ અને બાકીના 26 રૂપિયાનો એક કિલો પાઇપલાઇન નેચરલ ગેસ (PNG) ખરીદીને રાંધીશું. આભાર.
* * * * * * *


સ્ટીવ જોબ્સ
(Thursday, 6 October 2011 at 02:13pm)
સાજા-સમા હોઇશું અને કોમ્પ્યુટર વાપરતા હોઇશું ત્યારે અને માંદા પડતા ડોક્ટર 'એપલ' ખાવાની સલાહ આપશે ત્યારે પણ યાદ આવશે સ્ટીવ જોબ્સ અલવિદા દોસ્ત. (દોસ્તાર ઉર્વીશ કોઠારીએ સ્ટીવના સ્વર્ગવાસી થયાના સમાચાર જ્ઞાન-વિજ્ઞાનના માસિક 'સફારી'ની ઓફીસ બહાર આપ્યા. એ ઓફીસ જેણે 1980ના દાયકામાં અમદાવાદમાં ગણ્યા ગાંઠ્યા લોકો પાસે કોમ્પ્યુટર હતું ત્યારે બહોળા વાચકવર્ગના લાભાર્થે તેનો ઉપયોગ શરૂ કર્યો હતો.)
* * * * * * *
(Thursday, 6 October 2011 at 02:55pm)
'મૈં પલ - દો પલ કા શાયર હું.....' 'ના, આજે તો ગાવાનું.....મૈં પલ - દો પલ કે લિયે 'એપલ' કા શાયર હું.....Watch the full song from 1976 Hindi Film 'Kabhi Kabhie', the year Steve Jobs formed 'APPLE Computers'.
* * * * * * *
(Saturday, 8 October 2011 at 06:56pm)
મારું ગુજરાત, નંબર વન ગુજરાત.....
ઓક્ટોબર 2011ના રોજ અવસાન પામેલા એપલ કોમ્પ્યુટર્સના સ્થાપક સ્ટીવ જોબ્સને ભારતમાંથી સાચી શ્રદ્ધાંજલિ માત્ર ગુજરાત અને અમદાવાદ શહેર જ આપી શકે તેમ છે. કેવી રીતે? સમજાવું. વેરી સિમ્પલ અમદાવાદની પશ્ચિમે આવેલા 'બોપલ' વિસ્તારનું નામ 'એપલ' કરી દેવાનું. આભાર.
* * * * * * *
બાલ ઠાકરે : ન બોલ્યામાં નવ ગુણ
(Saturday, 8 October 2011 at 07:08pm)
ભ્રષ્ટાચાર દૂર કરવાના મામલે અન્ના હઝારેની ઝુંબેશને ફાવે તેમ આવડે એવા શબ્દોથી વખોડતા શિવ સેનાના બાલ ઠાકરેને યાદ કરાવવાનું કે અન્ના હઝારેની સાથે આપના પક્ષના ભ્રષ્ટાચારનું રાશિ નામ એક જ છે એનરોન. મહારાષ્ટ્રને વીજળી પૂરી પાડવા આવેલી વિદેશી કંપની 'ENRON' સાથે શિવ સેના સરકારે કરેલો ભ્રષ્ટાચાર તમે દસ વર્ષમાં જ ભૂલી ગયા? અન્ના સાચું જ કહે છે તમારી ઉંમર થઈ છે, ખરેખર. આગળ ન બોલો તે માટે આપનો આગોતરો આભાર.
* * * * * * *


વરૂણ ગાંધી
(Saturday, 8 October 2011 at 07:28pm)
ભારતના રાષ્ટ્રપતિના ઉપયોગ માટે ખાસ ખરીદાયેલી સુરક્ષા સાધનોથી સજ્જ એવી છ કરોડ રૂપિયાની 'મર્સિડીઝ' કારની કિંમતના મુદ્દે ટીકા કરતા ઉત્તર પ્રદેશના પીલીભીત બેઠકના સંસદ સભ્ય વરુણ ગાંધીને યાદ કરાવવાનું કે દેશના આ સર્વોચ્ચ બંધારણીય પદ પર 'એન.ડી.એ. સરકાર' દ્વારા વર્ષ 2002માં એ.પી.જે. અબ્દુલ કલામની પસંદગી થઈ એ સાથે જ રાષ્ટ્રપતિના સુરક્ષાચક્રમાં ઠીક ઠીક વધારો થયો હતો. છ કરોડ રૂપિયાની ગાડી એનો જ એક ભાગ છે. દોસ્ત, ભવિષ્યમાં આવું બોલવાની ભૂલ ના કરતો. વખત છે ને માયાવતી રાષ્ટ્રપતિ હશે તો ફરી એક વાર જેલમાં પુરી દેશે. આભાર.
* * * * * * *


(Tuesday, 11 October 2011 at 10:04pm)
ભારતીય સિનેમાના 70mmના પડદે રાજ કરનારા અમિતાભ બચ્ચનનો આજે સિત્તેરમો જન્મદિન છે. 1987માં 'થોડાક લાખ' રૂપિયાના ભ્રષ્ટાચારના ખોટા આક્ષેપોના પગલે રાજકારણ અને કોંગ્રેસ પક્ષને 'રામ રામ' કર્યાને આજે પચીસમું વર્ષ ચાલે છે. આ પચીસમા વર્ષે અમિતાભ બચ્ચન અને કોંગ્રેસ પક્ષ બન્ને કરે છે શું? કોંગ્રેસ લાખોના ભ્રષ્ટાચારથી આગળ વધીને ખર્વો રૂપિયાના કૌભાંડો સુધી પહોંચી છે જેમાં થોડાક લોકો 'અબજોપતિ' થયા છે અને અમિતાભ ટેલિવિઝન શો 'કૌન બનેગા કરોડપતિ'ના માધ્યમથી થોડાક લોકોને કાયદેસર 'કરોડપતિ' બનાવે છે. અભિનયના 'ડિઅર ડોન'ને સિત્તેરમું સલામ.
* * * * * * *
(Wednesday, 12 October 2011 at 03:55pm)
ભણતા હો કે ખાનગી સરકારી નોકરી કરતા હો. દિવાળીના આજથી પંદર દિવસ (26 ઓક્ટોબર 2011) બાકી છે. સ્કૂલકોલેજમાંથી ગુટલી મારીને કે સિલકમાં હોય તો એક દિવસની 'કેઝ્યુઅલ લીવ' લઈને ઘરે રહો. ઘરમાં મમ્મી બહેનભાભી કે પત્નીને દિવાળીના નાસ્તા બનાવવાના બહાને મદદ કરો. એમ કરતા વચ્ચે વચ્ચે જાડાપાતળા મઠીયા કે ચોળાફળીના ગુલ્લા ખાવાનો લાભ મળશે. દિવાળીના નાસ્તામાં ઘટ પડશે એવું કહે તો ગુલ્લા ગુપચાવવાની કળા અજમાવવાની. તો નોકરીને એક દિવસ બાજુ પર મુકો. પછી કહેતા નહિ કે અમે રહી ગયા. આભાર.
* * * * * * *
(Thursday, 13 October 2011 at 06:54pm)
'આપના શોખ યાને હોબીઝ (Hobbies)શું છે?'
'બસ ખાસ કંઈ નહીં. માત્ર એમ.બી.એ. (MBA) થવાનો!'
* * * * * * *


(Saturday, 15 October 2011 at 9:35pm)
લોકપાલ બીલની ડ્રાફ્ટ કમીટીના નાગરિક સમાજના પાંચ સભ્યો (અન્ના હઝારે, અરવિંદ કેજરીવાલ, જસ્ટીસ સંતોષ હેગડે, શાંતિભૂષણ અને પ્રશાંત ભૂષણ)માંથી વકીલ પ્રશાંત ભૂષણે કાશ્મીરમાં લોકમત (Plebiscite પ્લેબિસાઇટ) લેવાનો મત વ્યક્ત કર્યો. કાશ્મીરમાં લોકમત લેવા માટે ભારતના કોઈ પણ રાજ્યમાં યોજાય છે એવી જ ચૂંટણી પ્રક્રિયા હાથ ધરવી પડે અને આવો 'પ્રછન્ન' ચૂંટણી ખર્ચ વેંઢારી શકવાની 'તાકાત' માત્ર પ્રશાંત ભૂષણ પાસે છે ટીમ અન્નાના તે એક માત્ર અબજોપતિ આસામી છે. પ્રશાંતભાઈ, તમારે ભલે ખુદના રૂપિયા ઓછા કરવા હોય, કાશ્મીર કંઈ એમ 'લોકમત'ના નામે રેઢુ થોડું મૂકી દેવાય? તમારી બાબતે 'લોકમત' લેવાની પ્રક્રિયા હાથ ધરવી પડશે. આભાર.
* * * * * * *
(Monday, 17 October 2011 at 03:39pm)
લોકપાલ મુદ્દે લડત ચલાવતા અન્ના હઝારેના મૌનવ્રત પ્રારંભથી સૌથી વધુ રાજી થનાર વ્યક્તિ લાલ કૃષ્ણ અડવાણી સિવાય બીજું કોણ હોય? અન્ના હઝારે કંઈ બોલે એટલે ટી.વી. ચેનલોના ફૂટેજ અને છાપાના કવરેજ પછી અડવાણીની યાત્રાના સમાચાર માટે કોઈ સ્થાન સમય બચતો નહોતો. આજથી હવે અડવાણીને નિરાંત રહેશે કે દીકરી પ્રતિભા યાત્રા દરમિયાન જે કંઈ 'શૂટ' કરે છે તેને ટી.વી. ચેનલો પર સ્થાન મળશે ખરું. આભાર.
* * * * * * *


(Monday, 17 October 2011 at 06:52pm)
'વેનીલા આઇસક્રીમ આપોને.....'
.....'કૉન, નાનો કપ - મોટો કપ, એક લીટરનું ફેમીલી પેક જોઇએ કે પાંચ લીટરનું પાર્ટી પેક.....'
...'એક લીટરનું ફેમીલી પેક જ આપોને.....'....'એકસો દસ રૂપિયા (Rs. 110/-) વાળુ ફેમીલી પેક જોઇએ છે કે બત્રીસ રૂપિયા (Rs.32/-) વાળુ.....'
.....'જલ્દી જવાબ આપો બહેન (કે ભાઈ)...ઘરાકીનો ટાઇમ ખોટી ના કરો...આ કેન્દ્ર સરકારે એક કુટુંબના ભરણપોષણની વ્યાખ્યા બદલી નાખી ત્યારથી આ નવી મુસીબત આવી છે.....' (ચાર વ્યક્તિનું એક કુટુંબ દૈનિક રૂપિયા બત્રીસના ખર્ચે પોતાનું ભરણપોષણ કરી શકે તેવી વ્યાખ્યા આપીને પંદર દિવસ પછી પણ તે દિશામાં કોઈ નવી જાહેરાત ન કરી શકતા પ્લાનિંગ કમિશનના ચેરમેન મોન્ટેકસિંહ આહલુવાલિઆને અર્પણ)
* * * * * * *
32 રૂપિયામાં આટલું બધું ખાવાનું આવે
(Tuesday, 18 October 2011 at 04:56pm)
સ્વાદિષ્ટ - ક્રિસ્પી ઇટાલીઅન પીઝા પીરસતી અમદાવાદની મારી પસંદગીની (My Choice) રેસ્ટોરન્ટના મેનુમાં સ્મોલ - મીડીઅમ અને લાર્જની સાથે આજથી એક નવી સાઇઝ ઉમેરાઈ છેબત્રીસ રૂપિયાનો ફેમીલી સાઇઝ પીઝા. આ જાહેરાત નથી. 32 રૂપિયામાં કુટુંબનું ભરણપોષણ કરવાની આપની ઈચ્છા હોય તો મદદરૂપ થવાની શુભ ભાવનાથી (સદ્દભાવનાથી બસ) લખ્યું છે. આભાર. (પ્લાનિંગ કમિશનના ચેરમેન મોન્ટેકસિંહ આહલુવાલિઆને અર્પણ.)
* * * * * * *


(Wednesday, 19 October 2011 at 09:31pm)
રાજેશ ખન્ના તનુજા અભિનીત 1971મા આવેલી હિન્દી ફિલ્મ 'હાથી મેરે સાથી' નવેસરથી રીલીઝ કરવાના પ્લાન થઇ રહ્યા છે.....બહુજન સમાજ પાર્ટી અને માયાવતી રજૂ કરે છે 'હાથી મેરે સાથી'.....પક્ષનું ઓળખચિહ્ન અને પક્ષપ્રમુખ એકબીજામાં ઓતપ્રોત થઇ ગયા હોય એવો ભારતનો આ પહેલો રાજકીય પક્ષ છે.....આભાર.
* * * * * * *
(Thursday, 20 October 2011 at 07:17pm)
આપના સઘળા મિત્રો સગા સંબંધીઓને દિપાવલી નવવર્ષની 'એસ.એમ.એસ. શુભેચ્છાઓ' એક જ દિવસે અને સમયસર મોકલવા માગતા હોવ તો વધારાના (એક્સ્ટ્રા બસ) સીમ કાર્ડ ખરીદી લેવા ભલામણ છે. એક સીમ કાર્ડ દીઠ એક દિવસમાં માત્ર 100 SMS જ મોકલી શકાય એવો નવો નિયમ આપ ભૂલી તો નહીં જ ગયા હો. પતિ પત્નીના, ભાઈ બહેનના, મમ્મી પપ્પાના કે દીકરા દીકરીના મોબાઇલ એસ.એમ.એસ. કરવા મળશે એવી આશા રાખશો નહીં, કારણ કે એમને પણ કેટલાક લોકોને શુભેચ્છાઓ મોકલવાની હશે. તો સીમ કાર્ડ ખરીદવા દોડો દોટ મુકો. એક સ્પષ્ટતા: આ જાહેરાત નથી અને હું કોઈ મોબાઇલ સર્વિસ પ્રોવાઇડર કંપનીનો 'અમિતાભ બચ્ચન' (સોરી, બ્રાન્ડ એમ્બેસેડર) નથી, માત્ર તમારી સગવડ સાચવવા લખ્યું છે. પ્રોફાઇલ સ્ટેટસ ઉપરાંત સ્પષ્ટતા વાંચવા માટે આભાર.
* * * * * * *
(Friday, 21 October 2011 at 06:51pm)
'લક્ષ્મી છાપ ટેટા આપોને'.....
'256 MBના જોઇએ કે 512 MBના?'.....
'સુતળી બોમ્બ પણ આપો'.....
'4 GB, 8 GB જોઇએ કે 16 GBના?'.....
'ભાઈ (કે બહેન) જલ્દી જવાબ આપો. દિવાળીની ઘરાકીનો ટાઇમ ખોટી ન કરો. આ તમે આટલી પૂછપરછ કરી એટલા સમયમાં મારા ફેસબુક પ્રોફાઇલ પર ત્રણ ફ્રેન્ડ રીક્વેસ્ટ અને ફટાકડાના ભાવ પૂછતા પાંચ મેસેજ આવી ગયા.' શુભ દીપાવલી. આભાર.
* * * * * * *
(Saturday, 22 October 2011 at 06:22pm)
મારું ગુજરાત, નંબર વન ગુજરાત.....આવતીકાલે અગિયારસ.....દીપાવલીના શુભ પર્વોનો પ્રારંભ થશે.....આપણું રાજ્ય નંબર વન રાજ્ય છે...એટલે...નાના મોટા ટેટાની લૂમ લર ફોડીને પૈસા વેડફવા નહીં.....સુતળી અને મીરચી બોમ્બ જ ફોડવા...શું છે.....અવાજ પરખાવવો જોઈએ...તો તૈયાર...જાવ ફતેહ કરો. આભાર.
* * * * * * *


(Sunday, 23 October 2011 at 02:58pm)
'Save the Tiger' નામની ઝુંબેશમાં આજ સુધી ના જોડાયા હોવ તો જોડાવા વિનંતી.....કારણ આજે સવારે અગિયારસ.....બપોર પછી બારસ...વાઘબારસ.....વાઘબારસ ઉજવવા માટે પણ વાઘને બચાવવા જરૂરી છે.....તો સામેલ થઇ જાઓ.....આભાર.
* * * * * * *
(Sunday, 23 October 2011 at 05:11pm)
દીપાવલી નૂતનવર્ષના આ સપરમા દિવસોમાં.....નકલી ઘી.....નકલી માવો.....નકલી સુકો મેવો.....તેને ઝબ્બે કરવા જતા નાગરિક પુરવઠા વિભાગના અધિકારીઓ નકલી.....નકલી અધિકારીઓને પકડવા જતી પોલીસ નકલી.....મને હવે ડર લાગે છે...કે...મૂહુર્ત ચોઘડીયાઓના જાણકાર કોઈ જ્યોતિષ વિક્રમ સંવત ૨૦૬૭ની આ દિવાળીને જ 'નકલી' જાહેર ના કરી દે.....
* * * * * * *
(Monday, 24 October 2011 at 05:48pm)
આજે સોમવાર, 24 ઓક્ટોબર 2011 : ધનતેરસ.....'દેવી લક્ષ્મીજી, વર્ષો-વર્ષ તમારું પૂજન અર્ચન કરતો આવ્યો છું.....પણ હવે આપની મારા પરની કૃપા દ્દષ્ટિ પહેલા જેવી વરતાતી નથી.....'
.....'વત્સ ભક્ત, પહેલા તું ફક્ત મારી પૂજા-અર્ચના કરતો એટલે મેં પ્રસન્ન થઈ તારા ઘરે પધરામણી કરી...તાલેવંત થયા પછી તેં લક્ષ્મીપૂજન ધનપૂજન કર્યા પછી ફટાકડા ટેટા – બોમ્બ ફોડવા માંડ્યા એટલે હવે મને તારા ઘરે આવતા ડર લાગે છે. તું બોમ્બ ફોડવાનું બંધ કરે પછી હું પધરામણી કરવા બાબતે નવેસરથી વિચાર કરું. તારો આગોતરો આભાર.
* * * * * * *


(Tuesday, 25 October 2011 at 06:02pm)
આજે મંગળવાર, 25 ઓક્ટોબર 2011 : કાળીચૌદસ.....મારું ગુજરાત, નંબર વન ગુજરાત.....અવ્વલ અમદાવાદ.....આ અમદાવાદના એક વિસ્તારના નામ સાથે આજનો તહેવાર જોડાયેલો છે.....જરા સોચો....સાબરમતી જેલથી રાણીપ જવાના સીધા રસ્તે આગળ વધતા 'કાળીગામ' આવે છે.....એક સમયે આ વિસ્તાર 'ગુજરાત સ્ટીલ ટ્યુબ્સ'ના કારખાનાથી જાણીતો હતો.....આજે સરકારી માલિકીની 'ઇન્ડિયન ઓઇલ' કંપનીના ડેપોથી આ વિસ્તાર જાણીતો છે જે અમદાવાદની પેટ્રોલ ડીઝલની જરૂરિયાત પૂરી કરે છે. આભાર.
* * * * * * *


(Wednesday, 26 October 2011 at 08:32pm)
આજે બુધવાર, 26 ઓક્ટોબર 2011 : દિવાળી.....જુઓ આજથી તહેવારોની ખરી શરૂઆત થાય છે. ફેસબુક પરના આપના 'પ્રોફાઇલ સ્ટેટસ'ને મિત્રો તરફથી ઓછા 'Like' મળે તો આ અઠવાડિયું જરા મન મોટું રાખીને ચલાવી લેજો. ફેસબુક પર 'Like' ક્લિક કરવા સિવાયના પણ કામ હોય ને? બીજું તેઓ તમારા સિવાયના મિત્રો પરિવાર સાથે તહેવાર ઉજવતા હોય. આપનો આભાર. શુભ દીપાવલી.
* * * * * * *


(Thursday, 27 October 2011 at 12:50pm)
આજે ગુરૂવાર, 27ઓક્ટોબર 2011 : નૂતનવર્ષ પ્રારંભ.....નવ વર્ષ વિક્રમ સંવત ૨૦૬૮ની ખૂબ ખૂબ શુભેચ્છાઓ. આ શુભેચ્છા અંગ્રેજી વર્ષ 2068 માટે પણ માન્ય (Valid) ગણવી. કોને ખબર એ વખતે હું હોઉં પણ 'FACEBOOK' હોય....ન હોય. ફરી એક વાર નૂતન વર્ષાભિનંદન.
બિનીત મોદી અને પરિવાર (અમદાવાદ)
* * * * * * *
(Friday, 28 October 2011 at 11:15am)
આજે શુક્રવાર, 28 ઓક્ટોબર 2011 : ભાઈબીજ.....પ્રિય બહેનજમવાનું વેળાસર અને સ્વાદિષ્ટ બનાવજે. મોડું થાય કે દાળ શાકમાં મીઠું-મરચું ઓછું પડે તો 'FACEBOOK, Twiter, Orkut, Google+ કે RediffBol પર બીઝી હતી' એવું બહાનું ન કાઢતી. લિ. તારો વહાલો, ઇન્ટરનેટનો પ્રેમી પણ ભોજનને પ્રાધાન્ય આપતો ભાઈ.....

પખવાડિયા અગાઉ અહીં મુકેલી ઓક્ટોબર – 2012ના પ્રોફાઇલ સ્ટેટસની પોસ્ટ લીંક આ રહી – http://www.binitmodi.blogspot.in/2012/11/2012.html

(સંબંધિત તસવીરો અને ઇમિજસ : નેટ પરથી)

Saturday, November 03, 2012

ફેસબુક : ફન, ફંડાઝ અને ફેક્ટ્સ (ઑક્ટોબર – 2012)




સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના આશય માત્ર બે જ છે.
એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા તેમના સુધી પહોંચવાનો.
આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાનો વિચાર છે. આનો અમલ કરવાની કોઈ નિશ્ચિત તારીખ નથી તેમ આ ક્યાં સુધી ચાલુ રાખવું તે ય નિશ્ચિત નથી. હા, પ્રતિભાવ – કમેન્ટ્સ એ નક્કી કરવામાં ચોક્કસ મદદરૂપ થશે.
જુલાઈ – 2012ના સ્ટેટસ પ્રોફાઇલથી પ્રારંભ કર્યા પછી પ્રસ્તુત છે ઓગસ્ટથી ઑક્ટોબર – 2012. જે તે દિવસના વાર, તારીખ સમયના ઉલ્લેખ નીચે એ દિવસનું સ્ટેટસ અપડેટ છે.ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું.હા, ડમડમબાબા એ બ્લોગલેખકના અસ્તિત્વનો જ એક ભાગ છે.
આભાર.
સોનુ વાલિયા
(Monday, 1 October 2012 at 02:00pm)
ગુજરાતના ગામને અને હિન્દી ફિલ્મ જગતની પૂર્વ અભિનેત્રીને એકમેક સાથે સાંકળતું ડમડમબાબાનું ચોંકાવનારું સંશોધન.....
"ભરૂચ જિલ્લાના વાલિયા ગામને હિન્દી ફિલ્મ જગત સાથે કોઈ સંબંધ ખરો?"..."હા."....."શું?"
"સોનુ વાલિયા નામે એક અભિનેત્રી હતી જેણે 'ખૂન ભરી માંગ' ફિલ્મમાં રેખા સાથે કામ કર્યું હતું.
" મારું ગુજરાત.....નંબર વન ગુજરાત.....
* * * * * * *
રોજનીશી લખતા કુલપતિ
(Tuesday, 2 October 2012 at 04:25pm)
ગુજરાત યુનિવર્સિટીના પરમિટધારક કુલપતિ આદેશ પાલનો એક્સક્લૂઝિવ ઇન્ટરવ્યૂ (આજે ગાંધી જયંતિના વિશેષ અવસરે ડમડમબાબા દ્વારા)
કુલપતિ મહોદય આપની દિનચર્યા શું છે?”
સવારે ઉઠીને બારણું ખોલું અને આંગણે આવેલું છાપું વાંચુ જેમાં મારા વિશે પણ સમાચાર છપાયા હોય...નાહી ધોઈને તૈયાર થઉં એટલે ડ્રાઇવર કારનું બારણું ખોલે એટલે બાઉન્સર સાથે બેસીને ગુજરાત યુનિવર્સિટીની મારી ઓફિસે જઉં...બપોરે ટપાલ આવે એટલે પેપર કટરનો ઉપયોગ કરી કવર ખોલું અને સાંજે પાછો ઘરે જઉં એટલે બોટલ ઓપનરની મદદથી બાટલી ખોલું’. બસ દહાડો પૂરો.
* * * * * * *
(Wednesday, 3 October 2012 at 07:10pm)
ડમડમબાબા 'દમદાર' ન્યૂઝ સર્વિસ.....
'ગુજરાત વિધાનસભાની ચૂંટણીની તારીખો જાહેર થઈ ગઈ છે.'
"હા, કોઈને તે તારીખોને બદલે કાઉન્ટડાઉન પણ લાગી શકે છે."....."કોને?"..."જેઓ હારવાના છે તેમને અને જેઓ જીતવાના છે તેમને બન્નેને."
* * * * * * *
(Thursday, 4 October 2012 at 06:40pm)
ડમડમબાબાનું ચોંકાવનારું રાજકીય સંશોધન.....
વિધાનસભા ચૂંટણીની જાહેરાત સાથે ગુજરાતમાં 'આદર્શ' આચારસંહિતા લાગુ થઈ ગઈ છે. પડોશી રાજ્ય મહારાષ્ટ્રમાં સરકાર દ્વારા થયેલા કૌભાંડનું નામ જ 'આદર્શ' હતું.
* * * * * * *
'પ્રમાણિકતા'ના ભારતીય બ્રાન્ડ નેમ
(Friday, 5 October 2012 at 01:31pm)
ડમડમબાબાનું ચોંકાવનારું સામાજિક રાજકીય સંશોધન.....
ભ્રષ્ટાચારના તો જુદા જુદા સ્તર હોય જ છે.....પણ..........શું જમાનો આવ્યો છે? પ્રમાણિકતાનું પણ અલગ અલગ બ્રાન્ડિંગ થવા માંડ્યું..........અન્ના બ્રાન્ડ પ્રમાણિકતા, કેજરીવાલ બ્રાન્ડ પ્રમાણિકતા, કિરણ બેદી બ્રાન્ડ પ્રમાણિકતા.....And so on.....
* * * * * * *

(Saturday, 6 October 2012 at 01:40pm)
ડમડમબાબાનું ચોંકાવનારું સંશોધન.....
સામાન્ય વાતચીતની શરૂઆતમાં ખુદને એક પ્રમાણપત્ર જાતે જ આપી દેતા હોઈએ છીએ...જેમ કે...."હું સમજણો થયો ત્યારથી....."
* * * * * * *
રોબર્ટ વાડરા
(Sunday, 7 October 2012 at 02:05pm)
અપ્રમાણસર સંપત્તિના મામલે રોબર્ટ વાડરા સામે અરવિંદ કેજરીવાલના આક્ષેપો અને તપાસની માંગ પછી કેન્દ્ર સરકારનો કાયદા વિભાગ કદાચ એમ વિચારતો હશે કે રાષ્ટ્રજમાઈ સામે ભ્રષ્ટાચારની કલમો હેઠળ તપાસ કરવી કે દહેજ પ્રતિબંધક ધારાની કલમો હેઠળ.
* * * * * * *

(Monday, 8 October 2012 at 05:05pm)
ડમડમબાબાની ચોંકાવનારી જાહેરાત.....
અનિલ કપૂર અભિનીત 1990ની ફિલ્મ 'જમાઈ રાજા'ની રિમેક બનાવવામાં આવશે અને મુખ્ય ભૂમિકા કોંગ્રેસના પૂર્વ સંસદસભ્ય ગોવિંદાને આપવામાં આવશે.
નોંધ: સેન્સર બોર્ડને માલૂમ થાય કે આ ફિલ્મને રોબર્ટ વાડરા સાથે સંબંધ, લેવા દેવા છે જ છે.
* * * * * * *

(Tuesday, 9 October 2012 at 03:10pm)
ભ્રષ્ટાચારની હારબંધ ખબરો પછી એવું લાગે છે કે ભારતમાં 'FRAUD' 'HOBBY' છે.
* * * * * * *

પુત્રી વર્ષા સાથે આશા ભોંસલે
(Tuesday, 9 October 2012 at 03:45pm)
છપ્પન વર્ષ પહેલાની વાત છે. મુંબઈની હોસ્પિટલમાં એક બાળકીનો જન્મ થયો. જન્મના બીજા ત્રીજા દિવસે એક સ્નેહીજન મા-દીકરીને મળવા આવ્યા. એ સમયે મુંબઈમાં જોરમાં વરસાદ પડતો હતો. એટલે બારીની બહાર જોતા એ સ્વજન બોલ્યા, "कितनी जोरो की बारिस हो रही हे, क्यूँ न इसका नाम 'वर्षा' रखा जाय?" – માતાએ તરત સંમતિસૂચક માથું હલાવ્યું અને એ બાળકીનું નામ પડ્યું 'વર્ષા'.માતાનું નામ આશા ભોંસલે, હોસ્પિટલમાં મળવા આવેલા સ્નેહીજનનું નામ સંગીતકાર જયદેવ અને બાળકી વર્ષા જેણે ગઈકાલે એ જ મુંબઈ શહેરમાં આત્મહત્યા કરી જીવન ટુંકાવ્યું.
* * * * * * *

(Wednesday, 10 October 2012 at 05:05pm)
ડમડમબાબા 'દમદાર' ન્યૂઝ સર્વિસ.....
થોડાક લાખ રૂપિયાની મૂડીમાંથી રોબર્ટ વાડરાએ કરોડો રૂપિયાની સંપત્તિ ભેગી કરી એ સમાચાર સાબરમતી જેલમાં રહ્યે વાંચ્યા પછી 'એકના ત્રણ ગણા' કરવાના અસલી કારીગર ડૉ. અશોક જાડેજાએ માગણી કરી છે કે આ બાબતની તપાસ કરો જ કરો અને મારો અને વાડરાનો ગુનો એક જ પ્રકારનો ગણી કોર્ટ કેસ સાથે ચલાવો.
* * * * * * *
(Thursday, 11 October 2012 at 02:15pm)
ડમડમબાબાની કરોડપતિ ક્વિઝ.....અમિતાભ બચ્ચનને 71મા જન્મદિવસે અર્પણ.....
"અહમદાબાદ કા સબસે સલામત બિઝનેસ પ્લેસ કૌનસા હૈ?"
"ડમડમજી, કૃપયા ઑપ્શન દિજીયે."..."જરૂર. એ રાયપુર ભજીયા હાઉસ, બી કલ્યાણ જ્વેલર્સ, સી હેન્ડલુમ હાઉસ ઔર ડી વાડીલાલ સોડા ફાઉન્ટેઇન."
"જી, જવાબ માલુમ નહીં હૈ. સમય ભી નિકલ રહા હૈ."..."ઓ.કે. સહી જવાબ હૈ કલ્યાણ જ્વેલર્સ. અમિતજીને હી તો પીછલે મહીને ઉસકા ઓપનિંગ કિયા થા. ઔર વો અહમદાબાદ કા સબસે સેફ બિઝનેસ પ્લેસ ઇસ લિયે હૈ ક્યોંકી વો આંબાવાડી મેં છડાવાડ પોલીસ ચોકી કે સામને હૈ."
* * * * * * *
અક્ષય કુમાર
(Friday, 12 October 2012 at 07:17pm)
ડમડમબાબાનું ફિલ્મ ક્ષેત્રનું તદ્દન બીનફિલ્મી સંશોધન.....
અમિતાભ બચ્ચન કલ્યાણ જ્વેલર્સ માટે શુદ્ધ સોનું વેચવાની જાહેરખબર કરે છે અને અક્ષયકુમાર એ શુદ્ધ સોનાને ગીરવી મૂકી લોન આપવાની જાહેરખબર મણપ્પુરમ્ ગોલ્ડ લોન માટે કરે છે.
* * * * * * *
પ્રશાંત અને શાંતિ ભૂષણ
(Saturday, 13 October 2012 at 04:30pm)
ડમડમબાબાનું ચોંકાવનારું સંશોધન.....
"ભારતમાં થોડા સમય પહેલા જમીનદારો અને જમીનવિહોણા લોકોએ સાથે મળીને ભ્રષ્ટાચાર વિરૂદ્ધ આંદોલન કર્યું."..."એમ? કયું?"
"અન્ના હઝારેનું...ઇન્ડિયા અગેઇન્સ્ટ કરપ્શન."
"વકીલ પિતા-પુત્ર શાન્તિ ભૂષણ અને પ્રશાંત ભૂષણ જમીનદાર હતા અને અન્ના જમીનવિહોણા."
* * * * * * *
(Sunday, 14 October 2012 at 02:20pm)
અજમાવી જુઓ ડમડમબાબાનું વૈદું
ક્રેડિટ કાર્ડના દુરૂપયોગથી થતી છેતરપિંડીથી બચવા માટે નવું ક્રેડિટ કાર્ડ મળે ત્યારે તેની ઇલેક્ટ્રૉ-મેગ્નેટિક ચીપ પર લીંબુની ચીરી ઘસી દેવી. આમ કરવાથી ક્રેડિટ કાર્ડનું ક્લોનિંગ થઈ શકશે નહીં.
નોંધ: આવો કોઈ ઉપાય છે નહીં પણ દોઢ-બે દાયકા પહેલાં ગુજરાતી છાપાંની રવિવારની પૂર્તિઓમાં આ પ્રકારના અષ્ટમ-પષ્ટમ ઉપાયો અને માહિતી નિયમિત ધોરણે પ્રકટ થતી હતી.
* * * * * * *
(Monday, 15 October 2012 at 06:20pm)
સમાચાર છે કે ભારતીય સાહિત્યના સર્વોચ્ચ સન્માન 'જ્ઞાનપીઠ એવોર્ડ' પુરસ્કારની રકમ રૂપિયા સાત લાખથી વધારીને રૂપિયા અગિયાર લાખ કરવામાં આવી છે. એ રીતે આ રકમ પણ પહેલીવાર 'સાત આંકડા'નું સન્માન પામી છે. ઓ.કે. સત્તાવીસ વર્ષ પહેલા 1985માં વાર્તાકાર નવલકથાકાર પન્નાલાલ પટેલને 'જ્ઞાનપીઠ એવોર્ડ' જાહેર થયો ત્યારે આ 'આંકડા'ને સાંકળતી તેમની પ્રતિક્રિયા શું હતી? વાંચો...બ્લોગ 'હરતાંફરતાં' પર જૂની પણ આજના આ સમાચાર સંદર્ભે નવી લાગે તેવી પોસ્ટ.આ રહી લિન્ક http://binitmodi.blogspot.in/2012/05/blog-post.html
* * * * * * *
પપ્પા મારાથી બીજી ઇનિંગ્ઝ રમાય?
(Tuesday, 16 October 2012 at 03:33pm)
ક્રિકેટ અને ફિલ્મ જગતને એકમેક સાથે સાંકળતું ડમડમબાબાનું ચોંકાવનારું સંશોધન.....
ભારતીય ક્રિકેટ ટીમના કેપ્ટન રહી ચૂકેલા મનસૂર અલી ખાન પટૌડીને રમત દરમિયાન ટેસ્ટ ક્રિકેટની બીજી ઇનિંગ્ઝ રમવાની તક એકથી વધુ વાર મળી હશે. નવાબનો દીકરો સૈફ અલી ખાન ક્રિકેટર ના બન્યો તો પણ તેને બીજી ઇનિંગ્ઝ રમવાનો લહાવો મળ્યો લગ્નજીવનની.....કરીના કપૂર સાથે.
* * * * * * *
અમે સંસ્થામાં એક પાવડો પણ વસાવ્યો હતો....
...રૂપિયા ઉસેટવા
(Tuesday, 16 October 2012 at 04:05pm)
"લુઈસ, આપણા ટ્રસ્ટ એન.જી.ઓ.ની નોંધણી ગુજરાતમાં કરાવીને ત્યાંજ થોડું ઘણું કામ કર્યું હોત તો સારું હતું નહીં?"
"મિયાં, એમ કેમ બોલો છો?અહીં ઉત્તર પ્રદેશમાં નોંધણી કરાવી તો ય આપણે ક્યાં કશું ગુમાવ્યું છે?"
"ના...ના...આ તો મને એમ થાય છે કે ગુજરાતમાં નોંધણી કરાવી હોત તો રિવોલ્વિંગ સ્ટેજ પર નવરાત્રીનું આયોજન કરી તેને અપંગોની સગવડમાં ખપાવી થોડા વધુ રૂપિયા ઉસેટી શક્યા હોત. ખરું કે નહીં?"
(માતાજીની આરાધનાના પર્વ નવરાત્રીના પહેલા દિવસે દિલ્હી સ્થિત 'માતાજી' સોનિયા ગાંધી, યુ.પી.એ. સરકાર અને તેના વડા મનમોહન સિંહને અર્પણ)
* * * * * * *
(Wednesday, 17 October 2012 at 01:35pm)
હું’ આ એક એવો શબ્દ છે જેને જગતની કોઈ પણ ભાષામાં લખોફોન્ટ સાઇઝ મોટી જ થઈ જાય. ઇવન કમ્પ્યૂટર પર પણ.નીત્સે
નોંધ: નીત્સેએ આવું કશું કહ્યું નથી. કહે પણ નહીં. આ તો વાંચનાર ગંભીરતા સમજે તે ખાતર જ તેમનું નામ ઠપકાર્યું છે.
* * * * * * *
(Thursday, 18 October 2012 at 05:20pm)
ડમડમબાબાનું ચોંકાવનારું રાજકીય સંશોધન.....
નાના મોટા તમામ રાજકીય પક્ષોના કાર્યકરોને એક સાથે પ્રમોશન મળ્યું છે......પહેલા જાહેર સભાઓમાં શેતરંજી પાથરતા હતા......હવે ખુરશીઓ ગોઠવવાનું કામ ભાગે આવે છે.....
* * * * * * *
(Friday, 19 October 2012 at 11:22am)
રાજકીય, સામાજિક અને તબીબી ક્ષેત્રને એકમેક સાથે સાંકળતું ડમડમબાબાનું ચોંકાવનારુંસંશોધન.....
"આપને હાર્ટમાં બે મેજર અને એક માઇનર બ્લોક છે. સ્ટેન્ટ મુકવાથી જોખમ ટળી શકે તેમ છે."
"ઓ.કે. ડૉક્ટર. ખર્ચ શું થશે એ કહો. હું માનસિક અને આર્થિક બન્ને રીતે સક્ષમ છું."
"વેલ, ત્રણથી સાડા ત્રણ લાખ રૂપિયા થશે. આર્થિક રીતે સક્ષમ છો તે સારી વાત છે પણ તમે ત્રણ સ્ટેન્ટ એક સાથે મુકાવી નહીં શકો. હાલ ચૂંટણીને કારણે ગુજરાતમાં આચારસંહિતા છે. તમે એક સાથે રોકડા સાડા ત્રણ લાખ રૂપિયા બેન્કમાંથી લાવશો કેમના અને મને ચૂકવશો કેમના?"
* * * * * * *
(Saturday, 20 October 2012 at 07:20pm)
ભારતીય રેલવે અને ટપાલ વિભાગને એકમેક સાથે સાંકળતું ડમડમબાબાનું ચોંકાવનારું સંશોધન.....
અમદાવાદ અને મુંબઈથી દરરોજ રાત્રે ઉપડતી 'ગુજરાત મેલ' તેના આખરી મુકામે પહોંચવામાં એક મિનિટ પણ મોડી પડે તો મુંબઈ અમદાવાદની જી.પી.ઓને તે બાબતની જાણ થઈ જાય છે.....કારણ કે તેમાં ટપાલના થેલા અને પાર્સલ હોય છે.
* * * * * * *
(Sunday, 21 October 2012 at 12:00 Noon)
ઇન્ડોનેસિયાની રાજધાની એવા જાકાર્તા શહેરમાં નિર્ધારિત ગતિ મર્યાદાથી વાહન ધીમું ચલાવો તો પોલીસ પકડે અને દંડ પણ કરે.
નોંધ: ઇન્ડોનેસિયામાં આવો કોઈ નિયમ છે નહીં પણ દોઢ-બે દાયકા પહેલાં ગુજરાતી છાપાંની રવિવારની પૂર્તિઓમાં આ પ્રકારની અષ્ટમ-પષ્ટમ વાતો માહિતી આપવાના નામે અને સામાન્ય જ્ઞાન વધારવાના બહાને નિયમિત ધોરણે પ્રકટ થતી હતી.
નોંધની નોંધ: વાહન ધીમું ચલાવો તો પોલીસ તો શું સાઇકલ પર બેસીને સ્કૂલે જતું છોકરું પણ પકડીને રસ્તા વચ્ચે ઉઠક-બેઠક કરાવે. એ સ્કૂલે મોડો પહોંચે તો એને પણ ઉઠક-બેઠક કરવી પડે ને!
* * * * * * *
(Monday, 22 October 2012 at 01:55am)
ડમડમબાબાની ચોંકાવનારી નવરાત્રિ વિશેષ’ જાહેરાત.....આ પ્રોફાઇલ સ્ટેટસને લાઇક’ ક્લિક કરનાર પ્રથમ પાંચ વ્યક્તિને વ્હાઇટ હાઉસમાં આયોજિત ગરબાના પાસ આપવામાં આવશે.
બિનીત બરાક મોદી (અમદાવાદ)
* * * * * * *
યશ ચોપરા, રોમાન્સ અને 'ખાપ'
(Monday, 22 October 2012 at 05:20pm)
યશ ચોપરાએ ભારતમાં સૌને રોમાન્સ કરતા શીખવ્યું....ખાપ પંચાયતો સિવાય.....
* * * * * * *
(Thursday, 25 October 2012 at 06:30pm)
કાર કે સ્કૂટરની સીટ પરથી ઉતર્યા પછી તેના ચલાવનારે પણ ક્યારેક રસ્તાની કોરે ચાલવાનું છે કે રસ્તો ક્રોસ કરવાનો છે એવો ખ્યાલ મનમાં રાખી વાહન સુપર સ્પીડમાં ભગાવો. હેનરી ફોર્ડ
નોંધ: હેનરી ફોર્ડે આવું કશું કહ્યું નથી. કહે પણ નહીં. આ તો વાંચનાર ગંભીરતા સમજે તે ખાતર જ તેમનું નામ ઠપકાર્યું છે.
* * * * * * *
નીતિન ગડકરી : બંગારુ - ભાગ બીજો
(Friday, 26 October 2012 at 05:55pm)
વ્યક્તિગત નામના ભાષાંતર ક્ષેત્રે ડમડમબાબાનું ચોંકાવનારું સંશોધન.....
નીતિન ગડકરીના નામનું તેલુગુ ભાષાંતર.....બંગારુ લક્ષ્મણ.....
* * * * * * *
પ્રફુલ મોદી : મારા પિતા

22/10/1940થી 23/10/2012
(Friday, 26 October 2012 at 08:30pm)
મારા પિતા પ્રફુલભાઈ મોદીનું મંગળવાર23મી ઓક્ટોબર 2012ની સવારે અવસાન થયું છે. તેઓ છેલ્લા અઢી મહિનાથી ફેફસાના કેન્સરથી પીડાતા હતા જે અંગેની સારવાર અમદાવાદની ગુજરાત કેન્સર રિસર્ચ ઇન્સ્ટિટ્યૂટ (સિવિલ હોસ્પિટલ)માં ચાલી રહી હતી.
વતન ગોધરામાં 1940માં જન્મેલા તેઓએ માધ્યમિક અને કૉલેજ શિક્ષણ પૂના શહેરમાં મેળવ્યું હતું. વ્યવસાયે સ્ટેટ બેન્ક ઓફ ઇન્ડિયામાં કાર્યરત રહ્યા પછી 35 વર્ષની નોકરી બાદ તેઓ 2000ની સાલમાં આઈ.આઈ.એમ (ઇન્ડિયન ઇન્સ્ટિટ્યૂટ ઑફ મેનેજમેન્ટવસ્ત્રાપુર) અમદાવાદ બ્રાન્ચના મેનેજર પદેથી વયનિવૃત્ત થયા હતા. 22મી ઓક્ટોબરે તોંતેરમો જન્મદિન ઉજવ્યા પછી બહુ થોડા કલાકોમાં તેઓ પીડારહિત મૃત્યુને પામ્યા.
છ ભાઈ-બહેનોના પરિવારમાં તેઓ સૌથી નાના હતા. તેમનાથી બે મોટા બહેનો દિવંગત છે. મોટાભાઈએક બહેન સંતાનો સાથે અમેરિકા રહે છે અને સૌથી નાના બહેન અમદાવાદમાં પરિવાર સાથે રહે છે. મમ્મી (સુધા મોદી) સાથેના લગ્ન થકી પરિવારમાં હું અને મારા પત્ની શિલ્પા છીએ. પ્રભુ સદગતના આત્માને શાંતિ અર્પે એ જ પ્રાર્થના.
તેમની પારિવારિક પ્રાર્થનાસભા રવિવાર28મી ઓક્ટોબર 2012ની સાંજે 4:00થી 6:00 કલાક દરમિયાન સદવિચાર પરિવારસમર્પણ સાંસ્કૃતિક કેન્દ્રહોટલ કોર્ટયાર્ડ મેરિયોટની બાજુમાંરામદેવનગર બસ સ્ટેન્ડ પાસેજોધપુર ટેકરાસેટેલાઇટ રોડઅમદાવાદ ખાતે રાખવામાં આવી છે.
બિનીત મોદી (અમદાવાદ)
* * * * * * *
(Monday, 29 October 2012 at 05:10pm)
વ્યક્તિગત નામના વિચાર-વિસ્તાર ક્ષેત્રે ડમડમબાબાનું ક્રાંતિકારી સંશોધન.....
નીતિન ગડકરીના નામનો વિચાર-વિસ્તાર.....'નીતિ'ને નેવે મૂકીને નોટોની 'ગડી' કરી....
નોંધ: 'ગડી'ની જગ્યાએ 'થપ્પીઓ' શબ્દ પણ વાપરી શકાય. આ તો થોડું વળતર!
* * * * * * *
(Tuesday, 30 October 2012 at 06:15am)
સંસ્થાકીય નામના વિચાર-વિસ્તાર ક્ષેત્રે ડમડમબાબાનું ક્રાંતિકારી સંશોધન.....
ગુજરાત પરિવર્તન પાર્ટીના નામનો વિચાર વિસ્તાર.....ગુજરાતમાં તદ્દન નવો જન્મેલો રાજકીય પક્ષ જેના નામમાં પરિ’ છે પણ પક્ષમાં એકેય પરી’ નથી. એક પણ મહિલાનો ચહેરો ફ્રન્ટ પર તો ક્યાંય દેખાતો નથી. મહિલા મોરચાની રચના પણ ખૂબ મોડી-મોડી કરી છે.
* * * * * * *
(Wednesday, 31 October 2012 at 12:21pm)
ડમડમબાબાની ડુગડુગી.....ગર્લફ્રેન્ડના નામથી શરૂ થયેલો હિમાચલ પ્રદેશ વિધાનસભાનો ચૂંટણી પ્રચાર વાયા ગાળાગાળી થઈને ગુજરાત વિધાનસભાની ચૂંટણી દરમિયાન ગંદોગોબરો ના બને તેવી નાગરિક પ્રાર્થના.

ગયા મહિને અહીં મુકેલી સપ્ટેમ્બર – 2012ના પ્રોફાઇલ સ્ટેટસની પોસ્ટ લીંક આ રહી – http://www.binitmodi.blogspot.in/2012/10/2012.html

(સંબંધિત તસવીરો અને ઇમિજસ : નેટ પરથી)