પ્રતિભાવો ઉર્ફે Comments

Thursday, August 30, 2012

ફેસબુક : ફન, ફંડાઝ અને ફેક્ટ્સ (જુલાઈ – 2011)





સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના આશય માત્ર બે જ છે.
એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા તેમના સુધી પહોંચવાનો.
આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાનો વિચાર છે. આનો અમલ કરવાની કોઈ નિશ્ચિત તારીખ નથી તેમ આ ક્યાં સુધી ચલાવવું તે ય નિશ્ચિત નથી. હા, પ્રતિભાવ – કમેન્ટસ્ એ નક્કી કરવામાં ચોક્કસ મદદરૂપ થશે.
એ રીતે જુલાઈ –2012ના સ્ટેટસ અપડેટ પખવાડિયા અગાઉ અહીં મુક્યા પછી હવે પ્રસ્તુત છે ગત વર્ષના આ સમયગાળાના પ્રોફાઇલ સ્ટેટસ. જે તે દિવસના વાર, તારીખ સમયના ઉલ્લેખ નીચે એ દિવસનું સ્ટેટસ અપડેટ છે. ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું.
આભાર.

મારે કયા સિંગાપોરમાં લેન્ડ થવાનું છે?

(Friday, 1 July 2011 at 03:01pm)
ભારતના એવરેજ નેતાઓ - રાજકારણીઓને પોતાના ગામને શાંઘાઈ - સિંગાપોર અને દેશને જાપાન - અમેરિકા જેવા બનાવી દેવાના સ્વપ્નાં આવે છે. આવવા જ જોઈએ. પણ એ સાચા પડે પછી પાઇલટ ભૂલા પડશે - અવઢવમાં મુકાશે. મારે લેન્ડ ક્યાં થવાનું છે? અસલી સિંગાપોરમાં કે નકલી?
* * * * * * *
(Tuesday, 5 July 2011 at 06:02pm)
આશરે 3500 જેટલા ગુજરાતી પરિવારોને પાણીની તકલીફ - સમસ્યા ક્યારેય નહિ સતાવે. કેમ કે ગુજરાતી સાહિત્ય પરિષદનું માસિક મુખપત્ર 'પરબ' દર મહીને તેમના ઘર સુધી નિયમિત પહોંચે છે.
* * * * * * *
(Wednesday, 6 July 2011 at 03:39pm)
ફોન - મોબાઈલ - ઈન્ટરનેટનો ઉપયોગ એટલો વધ્યો કે બી.એસ.એન.એલ.એ 156 વર્ષ (પ્રારંભ - 1855)થી ચાલી આવતી આંતરરાષ્ટ્રીય ટેલીગ્રામ સેવાઓ બંધ કરી દીધી. દેશની અંદર અપાતી ટેલીગ્રામ સેવાઓ પણ ઉપયોગ ઘટવાના અને ખોટ વધવાના કારણે બંધ થઇ શકે છે.
* * * * * * *
દયાનિધિ મારન : બે હાથે બખ્ખા
(Thursday, 7 July 2011 at 07:04pm)
ટેલીકોમ મંત્રાલયના 2G સ્કેમમાં સંડોવાયેલા તત્કાલીન મંત્રી દયાનિધિ મારને હાલ ટેક્સટાઈલ મંત્રી પદેથી રાજીનામું આપી દેવું જોઈએ એવા ચેનલ પત્રકારના સવાલના જવાબમાં જયલલિતાએ કહ્યું 'ના. રાજીનામું લખવાનો સમય વીતી ગયો છે. હવે તો વડાપ્રધાને તેમને તગેડી મુકવા જોઈએ.'
* * * * * * *
(Thursday, 7 July 2011 at 07:12pm)
આ સીઝનનો ધોધમાર કહી શકાય એવો પહેલો વરસાદ અમદાવાદમાં આજે જુલાઈએ શરૂ થયો છે. મારી ડાયરી નોંધ મુજબ દર વર્ષે 10 જૂનથી વરસાદની શરૂઆત થતી હોય છે. એ રીતે જોઈએ તો વરૂણદેવે મહિનો રાહ જોવડાવી છે.
* * * * * * *
(Friday, 8 July 2011 at 10:42pm)
ઓક્ટોબર 2010થી જુલાઈ 2011 વચ્ચેના સમયગાળામાં અમદાવાદના રસ્તાઓ પર રાહદારીઓ અને વાહન ચાલકોએ પાડેલા પાન - ગુટકાની પીચકારીઓના ડાઘ દૂર થાય એટલો વરસાદ જુલાઈની સાંજે પડી ચૂક્યો છે. વ્યસનબાજો ફરી એકવાર શહેરના રસ્તા રંગવાને 'આમંત્રિત' છે. આભાર.
* * * * * * *
(Monday, 11 July 2011 at 03:53pm)
I like your attitude to click on 'Like' button of FACEBOOK profile.
* * * * * * *
સુલેખનની કસોટી કરતી બેન્ક સ્લીપ
(Tuesday, 12 July 2011 at 09:44pm)
રાષ્ટ્રીયકૃત, ખાનગી કે સહકારી બેન્કોમાં ખાતેદાર રોકડ જમા કરવા કે ચેક કલીઅરીંગમાં આપવા જે સ્લીપ વાપરે છે તેની ડીઝાઈન ખામીઓથી ભરપૂર હોય છે. સારા અક્ષરે લખી શકતો માણસ પણ અહીં ગુંચવાઈ જાય. જગ્યા જ એટલી બધી ઓછી અને અટપટી હોય કે વાત ના પૂછો. આ સ્લીપની ડીઝાઈન કે લે-આઉટ કરાવવા પણ આપણે National Institute of Design પાસે જવું પડશે કે શું?
* * * * * * *
(Wednesday, 13 July 2011 at 07:08pm)
વડાપ્રધાન થવા માગતા ભારતીય જ નહીં, કોઈ પણ દેશના રાજકારણી માટે એક વધુ વિકલ્પ ખુલ્લો થયો છે. જુલાઈ 2011થી દક્ષિણ સુદાન નામે નવો દેશ અસ્તિત્વમાં આવ્યો છે. ચાર જ દિવસ થયા છે. દોડો...દોડો...વહેલો તે પહેલો. પછી કહેતા નહીં કે અમે રહી ગયા.
* * * * * * *
એમ.એસ. ગીલ : ગરિમાથી ગમ્મત સુધી
(Wednesday, 13 July 2011 at 07:29pm)
ભારતના ચૂંટણી કમીશનર જેવા ગરિમામય બંધારણીય પદેથી નિવૃત્ત થયેલા એમ.એસ.ગીલ રાજકારણમાં સક્રિય થઈને એવા ડહોળાયા કે કેન્દ્રિય રમત ગમત મંત્રી પદેથી રાજીનામુ આપી રવાના થવું પડ્યું. જબરી ગમ્મત થઈ.
* * * * * * *
(Thursday, 14 July 2011 at 03:21pm)
આતંકવાદને પાળતા - પોષતા 'વિલનો' 'હીરા'બજાર પર ત્રાટક્યા.
* * * * * * *
(Friday, 15 July 2011 at 05:43pm)
ગુજરાતી સાહિત્ય પરિષદના મુખપત્ર 'પરબ'ના પ્રકાશનની કાયમી વ્યવસ્થા જળવાઈ રહે તે માટે મેળવાતા સ્થાયી ફંડ અંતર્ગત નવસારીના સંસદસભ્ય ચંદ્રકાંત રઘુનાથ પાટીલે (સી.આર. પાટીલ) રૂપિયા એક લાખનું દાન આપ્યું છે. ('પરબ'ના જુલાઈ - 2011 અંકની સત્તાવાર જાહેરાતમાંથી)
* * * * * * *
(Monday, 18 July 2011 at 02:42pm)
માર્ક ઝુકરબર્ગ કોની રાહ જોઈ રહ્યો છે. વરસાદની? ના. ક્રિસમસની રજાઓ પડે તેની? ના. મેકડોનાલ્ડમાં ઓર્ડર કરેલા બર્ગરની? ના. એ ગુગલ પ્લસનું ઇન્વીટેશન મળે તેની રાહ જોઈ રહ્યો છે. કોઈ તેને ઇન્વીટેશન મોકલો, પ્લીઝ.
* * * * * * *
દુનિયાનું સૌથી મોટું રેફ્રીજરેટર
(Tuesday, 19 July 2011 at 03:43pm)
બીજો ઍન્ટાર્કટિકા ખંડ મેં શોધી કાઢ્યો છે. એ છે મારા ઘરનું રેફ્રીજરેટર જેમાં બરફ અને પાણી સિવાય કંઈ હોતું જ નથી.
* * * * * * *
ઉમાશંકર જોશી : વજનદાર વિરોધ
(Thursday, 21 July 2011 at 04:01pm)
કવિ ઉમાશંકર જોશીના જન્મશતાબ્દી (1911 - 2011) વર્ષનું આજે સમાપન છે. એપ્રિલ 1970થી એપ્રિલ 1976 સુધીના છ વર્ષના સમયગાળા માટે તેઓ ભારતીય સંસદના ઉપલા ગૃહ રાજ્યસભાના નામાંકન પામેલા સભ્યપદે રહ્યા હતા. 1975 - 1977ના કટોકટી કાળનો તેઓએ જે બળુકો વિરોધ સંસદ વચ્ચે જ રહીને કર્યો હતો તે ઘટના પરથી એમ માનવાનું મન થાય કે ઉમાશંકર નામાંકન પામેલા નહીં પણ ચૂંટાયેલા સભ્ય હતા અને એ પણ લોકસભાના.
* * * * * * *
(Saturday, 23 July 2011 at 04:50pm)
કાર બનાવનારી એટલી બધી કંપનીઓ ગુજરાતમાં આવવાની છે કે અહીં લગભગ હવે કોઈના હાથ - પગ અકસ્માતથી તો નહીં જ ભાગે - તૂટે. સ્કૂટર ફેરવીએ તો એ દિવસ જોવાનો આવેને. લાગે છે મેડીકલમાં PG લેવલે ઓર્થોપેડિક સર્જરીની બેઠકો પણ ઘટાડી જ દેવી જોઈએ.
* * * * * * *
પ્રમોદ મહાજન : ભાઈ,
વેળાસરની વિદાય માટે આભાર
(Tuesday, 26 July 2011 at 07:08pm)
2G સ્કેમ એટલું આગળ વધ્યું છે કે હવે પ્રમોદ મહાજનનો આત્મા ભાઈ પ્રવીણ મહાજનને પાસે બોલાવીને 'Thank You' કહેતો હશે.
* * * * * * *
સંતોષ હેગડે : કર્ણાટકના લોકાયુક્ત
(Tuesday, 26 July 2011 at 07:46pm)
કેન્દ્ર સરકારમાં અને ભારતભરમાં જ્યારે કોંગ્રેસનો સૂર્ય સોળે કળાએ તપતો હતો ત્યારે (1983 - 1988) કર્ણાટકમાં 'જનતા પક્ષ'ના રામક્રિષ્ણ હેગડેનો વાવટો ફરકતો હતો. અત્યારે લોકાયુક્ત સંતોષ હેગડે 'ભારતીય જનતા પક્ષ'ની સરકારનો 'વાવટો' જરા જુદી રીતે ફરકાવી રહ્યા છે.
* * * * * * *
(Wednesday, 27 July 2011 at 08:26pm)
ગુજરાતમાં સ્વામિનારાયણ સંપ્રદાયના એક ફીરકાના સાધુ 'માલદાર સ્વામી'ના નામે ઓળખાતા હતા. સ્વર્ગસ્થ સાઈબાબા, હયાત રામદેવ કે અર્વાચીન પદ્મનાભસ્વામી મંદિર (તિરુઅનંતપુરમ, કેરળ)નો ખજાનો જોઇને લાગે છે કે 'માલદાર સ્વામી' માત્ર નામ નહીં, સર્વનામ હશે.
* * * * * * *
(Wednesday, 27 July 2011 at 08:52pm)
વિધાનસભા ભાજપના મોવડી મંડળ અને ગવર્નરને છક્કડ ખવડાવનાર યેદીયુરપ્પા કર્ણાટકના લોકાયુક્ત સુરેશ હેગડે સામે હાર્યા છે. (તડ ને ફડ, નગીનદાસ સંઘવી, કળશ, દિવ્ય ભાસ્કર, 27 જુલાઈ 2011) અત્યારે ચર્ચામાં રહેતા નામ સંતોષ હેગડેને બદલે સુરેશ હેગડે લખવાનું. (વાચકોને વંચાવતા સંપાદકો પણ નહીં વાંચતા હોય?) આ લ્યો મારું તડ ને ફડ.
* * * * * * *
નાટક જોવાનો કોયડો (તસવીર : બિનીત મોદી)
(Wednesday, 27 July 2011 at 09:08pm)
રજીત કપૂર અને શેરનાઝ પટેલ સહીત આઠ કલાકારો રાહુલ દા કુન્હાના લેખન-દિગ્દર્શન વાળું અંગ્રેજી નાટક 'CLASS OF '84' 31 જુલાઈ 2011ને રવિવારે રાત્રે 8:30 કલાકે જયશંકર સુંદરી નાટ્યગૃહમાં ભજવવાના છે. અમદાવાદમાં થતી તેની હોર્ડિંગ અને પેપર જાહેરાતોમાં આ હોલ એલીસબ્રીજમાં દર્શાવે છે. કોઈ કહેશે કે આ હોલ એલીસબ્રીજમાં ક્યાં આવ્યો? કે પછી હોલ જે વિસ્તારમાં છે તે રાયખડનું અંગ્રેજી એલીસબ્રીજ થાય છે.
* * * * * * *
હીના રબ્બાની ખાર (પાકિસ્તાનના વિદેશમંત્રી)
(Thursday, 28 July 2011 at 04:26pm)
'હીનાકી જવાની.....' શીલા પોતે અત્યારે આવું કોઈ ગીત સાંભળવા મળે તેવું ઈચ્છતી હશે.
(પાકિસ્તાનના વિદેશ પ્રધાન હીના રબ્બાની ખારની ભારત મુલાકાત અને તે ગાળામાં લોકપ્રિય થયેલા હિન્દી ફિલ્મ ગીત શીલા કી જવાની સંદર્ભે)
* * * * * * *
(Friday, 29 July 2011 at 06:08pm)
ગુજરાતમાં હાલોલ પાસે રસ્તો ક્રોસ કરતા શેવરોલે કારથી અને સાણંદ પાસે રસ્તો ક્રોસ કરતા નેનો કારથી સાચવવું. અહી તેનું ઉત્પાદન કરતા કારખાના છે.
* * * * * * *
(Saturday, 30 July 2011 at 07:32pm)
ગુજરાતી સાહિત્ય પરિષદના મુખપત્ર 'પરબ'ના જુલાઈ-2011 અંકના સાહિત્યવૃત્ત (પાનું - 82) પ્રમાણે ચાર ગુજરાતી સર્જકોના પુસ્તકોનું વિમોચન વડોદરામાં મહારાજા શ્રી રણજીતસિંહજી ગાયકવાડના હસ્તે થયું હતું. 'પરબ'ના તંત્રી - સંપાદકોને માલૂમ થાય કે ભારતને 1947માં આઝાદી મળી ગઈ છે. 'મહારાજા' જેવા વિશેષણો ક્યાં સુધી વાપરવાના ચાલુ રાખશો?

પખવાડિયા અગાઉ અહીં મુકેલી જુલાઈ – 2012ના પ્રોફાઇલ સ્ટેટસની પોસ્ટ લીંક આ રહી – http://www.binitmodi.blogspot.in/2012/08/2012.html

(સંબંધિત તસવીરો અને ઇમિજસ : નેટ પરથી)

6 comments:

  1. Dear Binitbhai,

    I went through this Copy Paste Update. I think it is worth storing like this. You have a say in all these status updates. Some are funny and some have a perticular disagreement which people do feel sometimes but forget to mention as if you have given for that Bank Slip. Some Political statements are well observed. You are a good observer and sometimes I find there is a story about every status update. You can inspire journalists how to observe and how to follow it up and then how to update it in a different context. You have good sense of humor. It shows how accurately you are writing your daily diary and most important is you use that information in different context.

    Liked it! Keep it up!

    :)

    Regards,

    Mayurika

    Ahmedabad

    ReplyDelete
  2. સૌ મિત્રો,
    બ્લોગની છવીસમી પોસ્ટ (30 ઓગસ્ટ 2012)ના પ્રતિભાવો માટે આભારી છું.

    અહીં લખાયેલું, કોપી - પેસ્ટ કરી મુકાયેલું કદીકને નવેસરથી જૂના રેફરન્સ ખોળવાના કામે કોઈકને ખપમાં આવશે એવી આશા છે અને મને તો કામ આવશે જ આવશે એવી ખાતરી છે.

    બિનીત મોદી (અમદાવાદ) / ગુરૂવાર, 13 સપ્ટેમ્બર 2012

    ReplyDelete
  3. Nitin Acharya (Ahmedabad)28 September 2012 at 18:50

    Saras. Fun, Funda, Facts...Thought relating to Design of Bank Slip is very impressive.
    Response through FACEBOOK from Nitin Acharya (Ahmedabad)

    ReplyDelete
  4. Neerav Patel (Ahmedabad)28 September 2012 at 18:55

    Very fine assortment. But you should have put a word about Patil's credentials, before mentioning about his contribution to Gujarati Sahitya Parishad.
    Response through FACEBOOK from Neerav Patel (Ahmedabad)

    ReplyDelete
  5. પ્રિય મિત્રો,
    બ્લોગ ‘હરતાંફરતાં’ને દોઢ વર્ષ પૂર્ણ થયું.
    26મી પોસ્ટનો પહેલા વર્ષનો રીડર સ્કોર છે : 30-08-2012 to 30-08-2013 – 370

    બિનીત મોદી (અમદાવાદ)

    ReplyDelete
  6. પ્રિય મિત્રો,
    26મી પોસ્ટનો બીજા વર્ષનો રીડર સ્કોર છે : 30-08-2013 to 30-08-2014 – 60

    બિનીત મોદી (અમદાવાદ)

    ReplyDelete