ફેસબુક : ફન, ફંડાઝ અને ફેક્ટ્સ (નવેમ્બર – 2016)

[caption id="attachment_48384" align="aligncenter" width="225"] (નવેમ્બર – 2016)[/caption]

સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં વેબસાઇટની દિવાલ પર તેને કોપી-પેસ્ટ કરવા પાછળના બે આશય છે.

એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા અથવા દાખલ થયા પછી દૂર થયા છે તેમના સુધી પહોંચવાનો.

આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાના વિચારને 2012માં અમલમાં મૂક્યા પછી તેને નિયમિત કરતાં એ ક્રમમાં આ 73મી વેબપોસ્ટ છે.

2010ના વર્ષની એક અને 2011થી 2015ના પાંચ વર્ષની મહિનાવાર સ્ટેટસ પ્રોફાઇલ પોસ્ટ રજૂ કર્યા પછી પ્રસ્તુત છે હવે નવેમ્બર – 2016. જે તે દિવસના વાર, તારીખ અને સમયના ઉલ્લેખ નીચે એ દિવસનું ‘સ્ટેટસ અપડેટ’ છે. ‘ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ ‘અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું. હા, ડમડમબાબા એ લેખકના અસ્તિત્વનો જ એક ભાગ છે.

આભાર.

 

(ભાઈબીજ : Tuesday, 1 November 2016 at 12:20pm)

જાડિયો-પાડિયો જણ વરસમાં આજનો એક જ દિવસ ભોજનને બેરોકટોક ન્યાય આપી શકે છે કેમ કે ભાઈબીજ જમવા આવેલા હૃષ્ટપુષ્ટ સાળાની હાજરીમાં પત્ની તેને કંઈ કહી શકતી નથી.

લિ. પાતળા બનેવીલાલનો પડછંદ સાળો

* * * * * * *

(Tuesday, 8 November 2016 at 09:45am)

56ની છાતીનું માપ લેતી વખતે ‘0’ ઉમેરીને Tata Skyના રિમોટ કન્ટ્રોલ પર 5 0 6 એમ ત્રણ બટન દબાવતા ‘એનડીટીવી ઇન્ડિયા’ ન્યૂઝ ચેનલ આપ જોઈ શકો છો.

નોંધ : કોઈપણ સંખ્યામાં શૂન્ય ઉમેરવાથી કશો ફરક પડતો નથી. પરંતુ અપવાદરૂપ કિસ્સામાં ફરક પડે છે તે આપ જોઈ શકો છો.

લિ. ગણિતશાસ્ત્રી રામાનુજન અને માહિતી તેમજ પ્રસારણ મંત્રાલયનો ટેક્નિશિયન

* * * * * * *

[caption id="attachment_48383" align="alignleft" width="300"] ડોનાલ્ડ ટ્રમ્પ અને હિલેરી ક્લિન્ટન[/caption]

(Tuesday, 8 November 2016 at 07:00pm)

અમેરિકાના પ્રમુખપદની ચૂંટણીમાં હિલેરી ક્લિન્ટન જીતશે તો સોગંદવિધિમાં ભારતના પ્રતિનિધિ રૂપે વિદેશમંત્રી સુષ્મા સ્વરાજ જશે...અને...

...ડોનાલ્ડ ટ્રમ્પ જીતશે તો ડૉ. પ્રવીણ તોગડિયા જશે.

લિ. પ્રવક્તા મંત્રી

* * * * * * *

(Wednesday, 9 November 2016 at 04:50pm)

ATM બંધ છે પણ એર-કંડિશનર ચાલુ છે.

લિ. 500 – 1000ની નોટોનું કાઉન્ટર મીટર

* * * * * * *

(આગરા, ઉત્તર પ્રદેશથી : Wednesday, 16 November 2016 at 01:30pm)

તાજમહાલની ટિકિટ વિન્ડો કરતાં બૅન્કો બહારની લાઇન લાંબી છે.

* * * * * * *

(Tuesday, 22 November 2016 at 08:35pm)

500 – 1000ની નોટબંધીના પખવાડિયા પછી ભણવાથી કંટાળી ગયેલા વિદ્યાર્થીઓએ તમામ પ્રકારની નોટ શિક્ષણમાંથી પાછી ખેંચી લેવાની માગણી કરી છે...ગણિતની કોરી નોટ, ગુજરાતીમાં લખવાની સિંગલ લીટીની, હિન્દીમાં લખવાની ડબલ લીટીની, અંગ્રેજીમાં લખવાની ચાર લીટીની અને દાખલા – પલાખાં કરવાની ચોકઠાંવાળી સ્કવેર નોટબુક...

લિ. સખારામ બાઇન્ડર

* * * * * * *

(Wednesday, 30 November 2016 at 11:30am)

કંકોત્રી સામે અઢી લાખ રૂપિયાનો ઉપાડ આપનાર બૅન્કના શાખા મેનેજરોએ જે-તે ડેબિટ એન્ટ્રી સામે રૂપિયા બસો એકાવનના ચાંદલા – કન્યાદાનની ક્રેડિટ એન્ટ્રી આપવાની રહેશે.

હુકમથી, સપ્તપદી વિભાગ – સ્વીસ સરકાર

 

ગયા મહિને અહીં મુકેલી ઑક્ટોબર – 2016ના પ્રોફાઇલ સ્ટેટસની પોસ્ટ લિંક આ રહી –

http://binitmodi.com/2016/11/%E0%AA%AB%E0%AB%87%E0%AA%B8%E0%AA%AC%E0%AB%81%E0%AA%95-%E0%AA%AB%E0%AA%A8-%E0%AA%AB%E0%AA%82%E0%AA%A1%E0%AA%BE%E0%AA%9D-%E0%AA%85%E0%AA%A8%E0%AB%87-%E0%AA%AB%E0%AB%87%E0%AA%95%E0%AB%8D%E0%AA%9F-72/

 

.....તેમજ ગત વર્ષોમાં અહીં મુકેલી નવેમ્બર – 2011, નવેમ્બર – 2012, નવેમ્બર – 2013, નવેમ્બર – 2014 તેમજ નવેમ્બર – 2015ના પ્રોફાઇલ સ્ટેટસની પોસ્ટ લિંક અનુક્રમે આ રહી –

http://binitmodi.com/2012/12/%E0%AA%AB%E0%AB%87%E0%AA%B8%E0%AA%AC%E0%AB%81%E0%AA%95-%E0%AA%AB%E0%AA%A8-%E0%AA%AB%E0%AA%82%E0%AA%A1%E0%AA%BE%E0%AA%9D-%E0%AA%85%E0%AA%A8%E0%AB%87-%E0%AA%AB%E0%AB%87%E0%AA%95%E0%AB%8D%E0%AA%9F-61/
http://binitmodi.com/2012/12/%E0%AA%AB%E0%AB%87%E0%AA%B8%E0%AA%AC%E0%AB%81%E0%AA%95-%E0%AA%AB%E0%AA%A8-%E0%AA%AB%E0%AA%82%E0%AA%A1%E0%AA%BE%E0%AA%9D-%E0%AA%85%E0%AA%A8%E0%AB%87-%E0%AA%AB%E0%AB%87%E0%AA%95%E0%AB%8D%E0%AA%9F-62/
http://binitmodi.com/2013/12/%E0%AA%AB%E0%AB%87%E0%AA%B8%E0%AA%AC%E0%AB%81%E0%AA%95-%E0%AA%AB%E0%AA%A8-%E0%AA%AB%E0%AA%82%E0%AA%A1%E0%AA%BE%E0%AA%9D-%E0%AA%85%E0%AA%A8%E0%AB%87-%E0%AA%AB%E0%AB%87%E0%AA%95%E0%AB%8D%E0%AA%9F-35/
http://binitmodi.com/2014/12/%E0%AA%AB%E0%AB%87%E0%AA%B8%E0%AA%AC%E0%AB%81%E0%AA%95-%E0%AA%AB%E0%AA%A8-%E0%AA%AB%E0%AA%82%E0%AA%A1%E0%AA%BE%E0%AA%9D-%E0%AA%85%E0%AA%A8%E0%AB%87-%E0%AA%AB%E0%AB%87%E0%AA%95%E0%AB%8D%E0%AA%9F-23/
http://binitmodi.com/2015/12/%E0%AA%AB%E0%AB%87%E0%AA%B8%E0%AA%AC%E0%AB%81%E0%AA%95-%E0%AA%AB%E0%AA%A8-%E0%AA%AB%E0%AA%82%E0%AA%A1%E0%AA%BE%E0%AA%9D-%E0%AA%85%E0%AA%A8%E0%AB%87-%E0%AA%AB%E0%AB%87%E0%AA%95%E0%AB%8D%E0%AA%9F-11/

 

(સંબંધિત તસવીરો અને ઇમિજસ : નેટ પરથી)

ફોઇનું નામ – વસુમતી : સરનામું – સાબરમતી

[vc_row row_height_percent="0" overlay_alpha="50" gutter_size="3" shift_y="0"][vc_column][vc_column_text]

[caption id="attachment_48371" align="aligncenter" width="240"] વસુમતી નવીનચન્દ્ર શાહ / Vasumati Navinchandra Shah 31-08-1937થી 01-12-2015[/caption]

ગોધરામાં જન્મેલા, સ્કૂલે ગયેલા, પૂનામાં કૉલેજ ભણેલા વસુફોઈ લગ્ન કર્યાના બીજા દિવસથી અમદાવાદના સાબરમતીમાં રહેવા આવી ગયા હતા. એમ તો એ નવા વાડજમાં પણ રહ્યા અને ઇઠ્યોતેર વર્ષની ઉંમરે વસ્ત્રાપુરના ઘરમાં અવસાન પામ્યા ત્યારે ત્રણ દીકરીઓ અને એક દીકરાનો પરિવાર સાથે હતો. ચાર સંતાનોની માતા એવા ફોઇએ પાંચ બાળકોને લાડ-પાન લડાવ્યા, જીદ – માગણી સંતોષી, સાથે બેસાડીને ભણાવ્યા અને વખત આવ્યે સૌને પોતપોતાના જીવનમાં થાળે પણ પાડ્યા. આ પાંચમું બાળક એટલે મારા પપ્પા સદગત પ્રફુલભાઈ મોદી. ઉંમરમાં પપ્પાથી માત્ર ત્રણ વર્ષ મોટા વસુફોઇને તેમનાથી મોટી ત્રણ બહેનો (સ્વ. મધુકાન્તાબહેન પરીખ, સ્વ. જસુબહેન પરીખ, ચંપાબહેન પરીખ) અને એક મોટાભાઈ હસમુખભાઈ શાહ.

ઉંમર – અવસ્થાને કારણે બા – દાદા (લલિતાબહેન અને મહાસુખલાલ શાહ)ને વતન ગોધરાના ઘરમાં એકલા રાખવાનું કે અન્ય સ્વજનોની જવાબદારી પર છોડવાનું શક્ય નહોતું. બૅન્ક ઑફ બરોડાની નોકરીમાં પ્રમોશન / બઢતી મળતા મોટાકાકાને પૂના જવું અનિવાર્ય થયું ત્યારે તેઓ તેમનાથી નાના ભાઈ – બહેનને પણ સાથે પૂના લઈ ગયા. પ્રફુલ અને વસુ. બન્નેના સ્કૂલથી આગળના અભ્યાસ માટે પણ એ જરૂરી હતું. ફોઈ બી.એ થયા અને પપ્પાએ વાયરલેસ ઓપરેટરનો કોર્સ કર્યો. પૂનાથી મોટાકાકાની બદલી લંડનની બ્રાન્ચમાં થતા બા-દાદા અને ભાઈ-બહેન ગોધરા પરત આવ્યા.

લગ્નની સુવર્ણજયંતિ ઉજવીને વિદાય થયેલા વસુફોઈ પચાસ વર્ષ પહેલા પરણીને અમદાવાદ આવવાના હતા તેના દિવસો અગાઉથી તેમને ઘર-પરિવાર અને બહેનપણીઓ પાસેથી ખૂબ બધી સલાહો મળવા લાગી હતી. તેનું એકમાત્ર કારણ નાની ઉંમર અને ગોધરા જેવા પ્રમાણમાં નાના ગામથી અમદાવાદ જેવા મોટા શહેરમાં કરવાનું લગ્ન સ્થળાંતર. જો કે પાછલા વર્ષોમાં ફોઈએ એકવાર મને કહ્યું હતું કે અમદાવાદ આવીને રહેવાની તેમને પોતાને કોઈ ખાસ ફીકર નહોતી. કેમ કે તેમનાથી મોટા જસુબહેન અને માસીયાઈ બહેન (બીજા સગપણે જેઠાણી) ચંપાબહેન / http://binitmodi.com/2016/03/%E0%AA%9A%E0%AA%82%E0%AA%AA%E0%AA%BE-%E0%AA%85%E0%AA%B0%E0%AA%B5%E0%AA%BF%E0%AA%82%E0%AA%A6%E0%AA%B2%E0%AA%BE%E0%AA%B2-%E0%AA%B6%E0%AA%BE%E0%AA%B9-%E0%AA%89%E0%AA%B0%E0%AB%8D%E0%AA%AB%E0%AB%87/ પહેલેથી અમદાવાદમાં જ રહેતા હતા અને તેમનો સાથ મળી રહેવાનો હતો તેની ખાતરી હતી.

એમ તો પરિવારના સૌ કોઇને જ તેમનો સાથ જીવનભર મળી રહેવાનો હતો. તેમના પરિચયમાં આવનારું ભાગ્યે જ કોઈ એવું હશે જેને વસુફોઈ મદદરૂપ ન થયા હોય. સાજા સમા હોવ કે માંદગી, સારો – માઠો કોઈ પણ પ્રસંગ હોય, અમદાવાદમાં કે ક્યાંય પણ...તેમના ખુદના વિષમ સંજોગો હોય તો પણ વસુબહેન મદદ કરવા આવી પહોંચશે તેવી ખાતરી રાખી શકાતી. આવી ખાતરી એટલા માટે પણ રાખી શકાતી કેમ કે ફોઈના ઘરમાં તેમના સાસુ ચંદનબા હતા. નીતા – લીનાબહેનના લગ્ન થયા ત્યાં સુધી...અરે...નીકીનો (લીનાબહેનની દીકરી) જન્મ થયો ત્યાં સુધી હતા. ચંદનબા...ચંદનબહેન નટવરલાલ શાહ...ખૂબ મળતાવડા. નજીક જઇને મળીએ એટલે હેતથી માથે હાથ ફેરવે. એક વાર એવું થયું કે ફોઈના સાબરમતીના ઘરમાં આરામખુરશીમાં બેઠેલા પપ્પાના માથા પર રેડિયો પડ્યો. શૉ કેઇસમાં ગોઠવાયેલો, વાલ્વવાળો, મલ્ટીબૅન્ડ એવો વજનદાર રેડિયો. શૉ-કેઇસના નકુચા ઢીલા પડ્યા હશે તે પપ્પાના માથા પર પડ્યો. ચંદનબા ક્યાંય સુધી પપ્પાના માથે હાથ ફેરવતા રહ્યા હોય એવું સાત-આઠ વર્ષની ઉંમરે જોયેલું દ્રશ્ય યથાતથ યાદ છે. સાથે – સાથે પૂછતા પણ જાય...“ભઈ, બવ વાગ્યું...નહીં?”

ફોઈના ખુદના બા બન્યાના અડતાલીસ કલાકમાં જ ચંદનબા ચાલ્યા ગયા. એમ વિચારીને કે, ‘વસુ’ પોતે પણ બા બની ગઈ તો હવે એક ઘરમાં બે બાનું શું કામ છે? ચંદનબાને તેમની ઇચ્છા મુજબની ધર્મયાત્રા કરાવવા નવીનફુઆ – વસુફોઈએ અંગત પ્રશ્નો જો કોઈ હોય તો તેને પણ તત્કાળ તો દૂર હડસેલીને તેમને જાત્રા કરાવવાને જ પ્રાધાન્ય આપ્યું હતું.

પારસી ચાલ સ્થિત ફોઈના સાબરમતીના ઘરે મોટેભાગે ઉનાળા વૅકેશન દરમિયાન મારે રહેવા જવાનું થાય. સાંજ પડ્યે ઠંડા પહોરે બા (ફોઈના સાસુ) રામનગર – જવાહરચોકના રામજી મંદિર દર્શને મને, દિવ્યાંગને અને ગોપીબહેનને લઇને જાય. ઘરે પાછા વળતા બાળકોને પિપરમિન્ટ વહેંચતા દાદાના ઘર પાસે અવશ્ય ઊભા રહે. દાદા આઘા-પાછા હોય તો રાહ જોઇને પણ પિપરમિન્ટ લઇને જ આગળ વધવાનું એવો ચંદનબાનો આગ્રહ રહેતો. આજે પિસ્તાલીસ પાર કર્યા પછી એવું લાગે છે કે આ તેમણે આપેલા સંસ્કાર હતા. આજે પણ ઘરમાં અરવિંદફુઆ, ગિરીશભાઈ કે તેમના જેવા કોઈ વડીલ પાસેથી મળ્યાની પાંચમી – દસમી મિનિટે પિપરમિન્ટ ન મળે તો માગી લેતા કોઈ સંકોચ નથી થતો. શેને માટે થવો જોઇએ?

સગપણમાં ભાભી એવી મારી મમ્મી સાથે ફોઇને બહેનપણા હતા. ઉંમરમાં ઘણો બધો તફાવત નહીં હોવાનો કે એક જ પરિવારના સૌથી નાના ભાઈ-બહેન હોવાનો આ આડકતરો લાભ હતો. એ પણ સમજાય છે કે ફોઈની વિદાય પછી મમ્મી (સુધાબહેન મોદી) માટે કપરો સમય છે. છેલ્લા દાયકામાં ફોઈ-ફુઆ પરિવાર સાથે વસ્ત્રાપુર રહેવા આવી ગયા પછી તો ભૌગોલિક અંતર પણ ન રહ્યું જે એક જમાનામાં સિત્તેરના દાયકામાં જોજનો જેવું લાગતું હતું. કેમ કે અમે મણિનગર રહેતા અને વસુમતીફોઈ સાબરમતી.

સ્ટેટ બૅન્કની નોકરીમાં બઢતીના વર્ષો અમદાવાદ બહાર ગાળ્યા પછી પુનઃ એકવાર પપ્પાની બદલી અમદાવાદ થઈ ત્યારે વસતી, વિસ્તાર અને સમૃધ્ધિથી ફાટ-ફાટ થતા અમદાવાદમાં આશરો આપનારું ઘર તાત્કાલિક મળે એમ નહોતું. બૅન્ક પણ એ વ્યવસ્થા ચોક્કસ સમયગાળા પછી જ કરી શકે તેમ હતી. એવો લાભ લેવા જતાં અમદાવાદ જેવા શહેરમાં થયેલી બદલી અને કાયમી વસવાટની તક ગુમાવવી પડે તેમ હતી. એ સમયે વસુફોઈ જ પપ્પાની મદદે આવ્યા. પપ્પા સાબરમતીના ઘરમાં છ મહિના ઉપરાંતના સમય માટે રહ્યા. ટીફીન ખાવાની ટેવ ન ધરાવતા પપ્પાને (પ્રફુલ મોદી / http://binitmodi.com/2013/10/%E0%AA%AA%E0%AA%AA%E0%AB%8D%E0%AA%AA%E0%AA%BE-%E0%AA%B5%E0%AA%BF%E0%AA%A8%E0%AA%BE%E0%AA%A8%E0%AB%81%E0%AA%82-%E0%AA%AA%E0%AA%B9%E0%AB%87%E0%AA%B2%E0%AB%81%E0%AA%82-%E0%AA%B5%E0%AA%B0%E0%AB%8D/) નવ-સાડા નવે ગરમાગરમ થાળી પીરસીને બૅન્કમાં મોકલતા રહ્યા. એટલે તો કહું છું કે ચાર સંતાનોના મમ્મી એવા વસુફોઈએ પાંચ જણને થાળે પાડ્યા હતા. ખોટું કહ્યું?

વસુફોઈની વાત જેમ એમના સાસુના ઉલ્લેખ વગર થઈ શકતી નથી તેમ એમના મદદગાર થવાના એકાધિક પ્રસંગો વગર પણ થઈ શકે તેમ નથી. મહેમાનની અવર-જવર વધવાની હોય ત્યારે પણ એમની મદદ લઈ શકાય અને માંદગીના દહાડા ટૂંકા કરવા માટે પણ. અથાણાની ધોમધખતી સિઝનમાં પણ તેમને યાદ કરી શકાય અને દિવાળીના નાસ્તા બનાવવાની તૈયારી કરતી વખતે પણ. દિવાળીના દિવસો પછી તરત વિદાય પામેલા વસુફોઈનું જેવું હેત મારા પપ્પા પામ્યા એવો લાભ અનિશા – દિવ્યાંગની પુત્રી ધૃવિશા અને પુત્ર ધૈર્ય તેમજ દોહિત્ર તપનના (નીતાબહેનનો દીકરો / http://binitmodi.com/2013/12/%E0%AA%A8%E0%AB%80%E0%AA%A4%E0%AA%BE-%E0%AA%85%E0%AA%A8%E0%AA%BF%E0%AA%B2-%E0%AA%AA%E0%AA%B0%E0%AB%80%E0%AA%96-%E0%AA%AE%E0%AA%BE%E0%AA%B0%E0%AB%80-%E0%AA%AC%E0%AA%B9%E0%AB%87%E0%AA%A8-%E0%AA%AA/) સંતાન જાહનવી સુધી પહોંચ્યો એ અમારે પરિવારને મન મોટી દિવાળી છે.[/vc_column_text][/vc_column][/vc_row]

ફેસબુક : ફન, ફંડાઝ અને ફેક્ટ્સ (ઑક્ટોબર – 2016)

[caption id="attachment_48357" align="aligncenter" width="225"] (ઑક્ટોબર – 2016)[/caption]

સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં વેબસાઇટની દિવાલ પર તેને કોપી-પેસ્ટ કરવા પાછળના બે આશય છે.

એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા અથવા દાખલ થયા પછી દૂર થયા છે તેમના સુધી પહોંચવાનો.

આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાના વિચારને 2012માં અમલમાં મૂક્યા પછી તેને નિયમિત કરતાં એ ક્રમમાં આ 72મી પોસ્ટ છે અને બ્લોગને વેબસાઇટમાં પરિવર્તિત કર્યા પછી આ પહેલી પોસ્ટ છે.

2010ના વર્ષની એક અને 2011થી 2015ના પાંચ વર્ષની મહિનાવાર સ્ટેટસ પ્રોફાઇલ પોસ્ટ રજૂ કર્યા પછી પ્રસ્તુત છે હવે ઑક્ટોબર – 2016. જે તે દિવસના વાર, તારીખ અને સમયના ઉલ્લેખ નીચે એ દિવસનું ‘સ્ટેટસ અપડેટ’ છે. ‘ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ ‘અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું. હા, ડમડમબાબા એ લેખકના અસ્તિત્વનો જ એક ભાગ છે.

આભાર.

 

(Sunday, 2 October 2016 at 00:05am)

માતાજીની ભક્તિને નામે અઢળક ખર્ચાળ અને ગરીબોની મજાક સમાન બનાવી દેવાયેલી નવરાત્રીના વેપારીઓની સાન ઠેકાણે લાવે તેવો...

ઉરી બ્રિગેડ હેડક્વાર્ટર હુમલો અને સર્જીકલ સ્ટ્રાઇક્સને પગલે દેશભક્તિના તત્કાળ દેખાડા પછી ગરબાના ફ્રી પાસની ગોઠવણમાં વ્યસ્ત સરકારી ભક્તોની સાન ઠેકાણે લાવે તેવો...

...વરસાદ પહેલા નવરાત્રે અમદાવાદમાં પડી રહ્યો છે.

* * * * * * *

(Monday, 3 October 2016 at 09:30am)

અરવિંદ કેજરીવાલ આણી મંડળીએ ખરેખર ફિલમ ઉતારીને કોમિડિ કરી મૂક્યા પછી અન્ના હઝારે તેમના વિશેની બાયોપિક ફિલ્મ ‘અન્ના’ના પ્રોમોમાં ભાગ લેવા ગઈકાલે કપિલ શર્માના કોમિડિ શૉમાં આવ્યા હતા.

લિખિતંગ...ડબલ કોમિડિ

* * * * * * *

(Tuesday, 4 October 2016 at 11:22am)

ગરબાનું ગ્રાઉન્ડ શરદ પૂનમની બપોર સુધીમાં સુકાય એટલો વરસાદ ત્રીજી નવરાત્રીએ પડ્યો.

લિ. ડ્રમડ્રમબાબા

* * * * * * *

(Friday, 7 October 2016 at 09:30am)

છ રાતથી વરસાદમાં ભીના થયેલા ચણિયાચોળી – સુરવાલને કારણે બાકીના ચાર દિવસ ખેલૈયાઓને ટ્રડિશનલ પહેરવેશમાંથી મુક્તિ.

એજ લિખિતંગ ગુજરાત સરકારનો મહત્વનો નિર્ણય

* * * * * * *

(Saturday, 15 October 2016 at 09:20am)

આ શરદપૂનમે પહેલી વાર બાસુંદીપૌંઆ બનાવીને જાડિયા-પાડિયા લોકોને વર્ષોથી દૂધપૌંઆ ખવડાવીને કરાતો અન્યાય દૂર કરવામાં આવશે.

લિ. બાસુંદીપૌંઆનો ISO : 9001 પ્રમાણિત કારીગર

* * * * * * *

(Monday, 17 October 2016 at 09:45am)

ઠંડી – શરદીનો કોઠો હોય અને આ દિવાળીએ ઘરના (અને ઑફિસના) બારી-બારણાનાં પડદા બદલવાના હો તો કાપડ થોડું વધારે ખરીદજો...

પેન્ટ – શર્ટ સિવડાવીને ઠંડી ઉડાડવાના કામમાં આવશે.

લિ. કાનના પડદાનો દરજી

* * * * * * *

(Friday, 21 October 2016 at 01:11pm)

પોણા બે કલાકની ગુજરાતી ફિલમોની પ્રેસ કૉન્ફરન્સ સવા ત્રણ કલાક હાલે છે.

લિ. ‘દાળઢોકળી’ ફિલમનો રસોઇયો

* * * * * * *

[caption id="attachment_48353" align="alignleft" width="300"] અખિલેશ, શિવપાલકાકા અને મુલાયમસિંહ યાદવ[/caption]

(Tuesday, 25 October 2016 at 10:50am)

પાંડવો પણ કૌરવ બની જાય તેવી રાજકીય યાદવાસ્થળી ઉત્તર પ્રદેશમાં ચાલી રહી છે.

લિ. Less અખિલેશ અને યમ મુલાયમ

* * * * * * *

[caption id="attachment_48360" align="alignright" width="237"] (*)[/caption]

(Thursday, 27 October 2016 at 09:09am)

“ટેલિફોનનું બિલ ક્યારે આવશે એવું BSNLની ઑફિસમાં ફોન કરીને પૂછો છો?”

“ના. દર બે મહિને આવી જ જાય છે.”

“લાઇટ બિલનો ફોન?”

“ના. એય દર બે મહિને આવી જ જાય છે.”

“પોસ્ટ પેઇડ મોબાઇલનું બિલ...”

“દર મહિને આવી જાય છે, SMS પણ આવે...”

“ઘરનું કે ઑફિસનું પ્રૉપર્ટી ટૅક્સનું બિલ ક્યારે મળશે તેની પૂછપરછ કરો છો?”

“નવું નાણાકીય વર્ષ શરૂ થાય એટલે નોટિસ આવી જ જાય છે...”

“કાર, સ્કૂટર અને મેડિક્લેઇમ પોલિસીનું પ્રીમિઅમ...?”

“એય વરસ પૂરું થવા આવે એ અગાઉ ચૂકવી જ દેવાનું હોય ને...”

“તો પછી ‘જલસો’નો નવો અંક ક્યારે પ્રકટ થશે?...એમ પૂછીને તમે સંપાદક ઉર્વીશ કોઠારીનું લોહી શું કામ પીવો છો?”

“કેમ કે છેલ્લા છ અંકોથી અમે જલસોનું લોહી ચાખી ગયા છીએ.”

“એમ...તમે કોણ છો?”

“સાતમા અંકની રાહ જોતા સાસણગીરના સિંહ. જેમની પાસેથી લવાજમ માગવાની કોઈની હિંમત જ નથી.”

* * * * * * *

(ધનતેરસ : Friday, 28 October 2016 at 09:20am)

પ્લૅસ્ટિકના ડબ્બા પૂરા વર્ષમાં વેચાય છે તેથી વધુ ધનતેરસે વહેંચાય છે.

વાડીલાલનો દીકરો અમૂલ...

હેવમોરનો આઇસ્ક્રીમ ખાય...

’ને જાડીયો-પાડીયો થાય...

લિ. ધનતેરસ ઑફર

* * * * * * *

(કાળીચૌદસ : Saturday, 29 October 2016 at 08:25am)

આજે સ્મશાનમાં ચોવીસ કલાક માટે લગભગ એકસરખી સંખ્યામાં હાજરી રહેશે...

...દિવસે ડાઘુઓની...રાત્રે અઘોરીઓ – તાંત્રિકોની...

લિ. વૈજ્ઞાનિક ફૉર્મ્યૂલાવાળા મંત્રબાબા

(દિવાળી : Sunday, 30 October 2016 at 07:50am)

* * * * * * *

ગુજરાત હાઉસિંગ બૉર્ડે બાંધેલા મકાનો લાંબો સમય ટકી રહે તે માટે પણ ધડાકા-ભડાકા કરતા મોટા અવાજોવાળા ફટાકડા ન ફોડવા જોઇએ.

લિ. સ્ટ્રોન્ગ સિમેન્ટ (બ્રિટિશ નાગરિક)

* * * * * * *

(નૂતન વર્ષારંભ : Monday, 31 October 2016 at 02:05pm)

દેશી રજવાડાંઓનું એકત્રીકરણ કરનાર સરદાર વલ્લભભાઈ પટેલના 142મા જન્મદિનની અને રાજાઓનાં સાલિયાણા પરત ખેંચનાર તત્કાલીન વડાપ્રધાન ઇન્દિરા ગાંધીના 32મા નિર્વાણદિનના સ્મૃતિશેષ સાથે...સૌ મિત્રો – સ્વજનોને સાલ મુબારક…બિનીત મોદી (અમદાવાદ) અને www.binitmodi.com/blog

 

ગયા મહિને અહીં મુકેલી સપ્ટેમ્બર – 2016ના પ્રોફાઇલ સ્ટેટસની પોસ્ટ લિંક આ રહી –

http://binitmodi.com/2016/10/%E0%AA%AB%E0%AB%87%E0%AA%B8%E0%AA%AC%E0%AB%81%E0%AA%95-%E0%AA%AB%E0%AA%A8-%E0%AA%AB%E0%AA%82%E0%AA%A1%E0%AA%BE%E0%AA%9D-%E0%AA%85%E0%AA%A8%E0%AB%87-%E0%AA%AB%E0%AB%87%E0%AA%95%E0%AB%8D%E0%AA%9F/

 

.....તેમજ ગત વર્ષોમાં અહીં મુકેલી સપ્ટેમ્બર – 2011, સપ્ટેમ્બર – 2012, સપ્ટેમ્બર – 2013, સપ્ટેમ્બર – 2014 તેમજ સપ્ટેમ્બર – 2015ના પ્રોફાઇલ સ્ટેટસની પોસ્ટ લિંક અનુક્રમે આ રહી –

http://binitmodi.com/2012/11/%E0%AA%AB%E0%AB%87%E0%AA%B8%E0%AA%AC%E0%AB%81%E0%AA%95-%E0%AA%AB%E0%AA%A8-%E0%AA%AB%E0%AA%82%E0%AA%A1%E0%AA%BE%E0%AA%9D-%E0%AA%85%E0%AA%A8%E0%AB%87-%E0%AA%AB%E0%AB%87%E0%AA%95%E0%AB%8D%E0%AA%9F-63/

http://binitmodi.com/2012/11/%E0%AA%AB%E0%AB%87%E0%AA%B8%E0%AA%AC%E0%AB%81%E0%AA%95-%E0%AA%AB%E0%AA%A8-%E0%AA%AB%E0%AA%82%E0%AA%A1%E0%AA%BE%E0%AA%9D-%E0%AA%85%E0%AA%A8%E0%AB%87-%E0%AA%AB%E0%AB%87%E0%AA%95%E0%AB%8D%E0%AA%9F-64/

http://binitmodi.com/2013/11/%E0%AA%AB%E0%AB%87%E0%AA%B8%E0%AA%AC%E0%AB%81%E0%AA%95-%E0%AA%AB%E0%AA%A8-%E0%AA%AB%E0%AA%82%E0%AA%A1%E0%AA%BE%E0%AA%9D-%E0%AA%85%E0%AA%A8%E0%AB%87-%E0%AA%AB%E0%AB%87%E0%AA%95%E0%AB%8D%E0%AA%9F-36/

http://binitmodi.com/2014/11/%E0%AA%AB%E0%AB%87%E0%AA%B8%E0%AA%AC%E0%AB%81%E0%AA%95-%E0%AA%AB%E0%AA%A8-%E0%AA%AB%E0%AA%82%E0%AA%A1%E0%AA%BE%E0%AA%9D-%E0%AA%85%E0%AA%A8%E0%AB%87-%E0%AA%AB%E0%AB%87%E0%AA%95%E0%AB%8D%E0%AA%9F-24/

http://binitmodi.com/2015/11/%E0%AA%AB%E0%AB%87%E0%AA%B8%E0%AA%AC%E0%AB%81%E0%AA%95-%E0%AA%AB%E0%AA%A8-%E0%AA%AB%E0%AA%82%E0%AA%A1%E0%AA%BE%E0%AA%9D-%E0%AA%85%E0%AA%A8%E0%AB%87-%E0%AA%AB%E0%AB%87%E0%AA%95%E0%AB%8D%E0%AA%9F-12/

 

(* નિશાની વાળી તસવીર : સાર્થક પ્રકાશન, એ સિવાયની સંબંધિત તસવીરો અને ઇમિજસ : નેટ પરથી)

મને મદદરૂપ થનારને મારે મળવું છે

વિશોધન અધ્યારુ
પચાસમે વર્ષે બાળરોગ નિષ્ણાતને કેમ શોધી રહ્યા છે

મોજ – મનોરંજનના અનેક નવા વિકલ્પો એકવીસમી સદીમાં ઉપલબ્ધ હોવાથી સરકસના / Circus ખેલ હવે નહીંવત્ પ્રમાણમાં થાય છે. અમદાવાદમાં / Ahmedabad સરકસના તંબુ જ્યાં તાણવામાં આવતા હતા તે સાબરમતી નદીનો પટ રિવરફ્રન્ટને / Sabarmati Riverfront નામ કરી આપ્યા પછી અંગકસરતના દાવ જોવા મળતા નથી. જો કે અમદાવાદ કે તેના જેવા શહેરોમાં રસ્તા પર વાહન ચલાવવું એ અંગકસરતના દાવ કે સરકસમાં ખેલ બતાવવાથી કમ નથી.

વાહન ચલાવવું, સલામતીપૂર્વક ચલાવવું, અન્યને અડચણરૂપ ન થાય તે રીતે હંકારવું એ એક આવડત હોઈ શકે તે ખ્યાલ જ કદી આપણી આસપાસ ફરક્યો નહીં. એવો ખ્યાલ-સમજણ ઉગી નીકળશે ત્યારે મારી-તમારી, આ વાંચનારની હાજરી આ જગતમાં હશે કે કેમ એ વિશે કલ્પના જ કરવાની રહે. હાલ તો નાના-મોટા અકસ્માતોને / Hit and Runકારણે રસ્તા પર હાજરી નોંધાવતા માણસની ઘડી-બે ઘડીમાં કાયમી ‘ગેરહાજરી’ નોંધાઈ જાય તેવું વાતાવરણ છે. એ પહેલાનો તબક્કો છે અકસ્માતગ્રસ્ત થનારની મદદે પહોંચી જવું. પોલીસ ફરિયાદ અને તે પછીની કાનૂની પ્રક્રિયા સંબંધી જટિલ નિયમોમાં આવેલા કેટલાક સકારાત્મક ફેરફારોને કારણે હવે અકસ્માતને સમયે મદદરૂપ થનારા મળી રહે છે. બાકી થોડા વર્ષો અગાઉ આ બાબતે પરિસ્થિતિ તદ્દન કંગાળ હતી – અદ્દલ ભારતના રસ્તાઓ જેવી જ.

પોસ્ટમાં સૌથી ઉપર જેમનો ફોટો છે તે વિશોધનભાઈ અધ્યારુ / Vishodhan Adhyaru મિત્ર પ્રણવ અધ્યારુના / Pranav Adhyaru મોટાભાઈ છે અને એ રાહે પરિચિત છે. અમદાવાદમાં વ્યવસાયે કમ્પ્યૂટર નેટવર્કિંગ સિસ્ટમના નિષ્ણાત વિશોધનભાઈને 23મી ઑગસ્ટની રાત્રે વરસતા વરસાદમાં સ્કૂટર અકસ્માત થયો. રાત્રે દસ વાગ્યાની આસપાસ ઑફિસ કામકાજથી પરવારીને સરદાર પટેલ સ્ટેડિઅમ નજીક લખુડી તળાવડી તરીકે ઓળખાતા વિસ્તારના પાંચ રસ્તાના જંક્શન પરથી પસાર થતા અકસ્માતનો ભોગ બન્યા. રેઇનકોટ પહેરીને ઘર તરફ જવા સજ્જ તેઓ હોન્ડા ઇટર્નો સ્કૂટર પર સવાર હતા. વરસતા વરસાદમાં પણ ઝડપભેર બીજી દિશામાંથી આવતા એક્ટિવા ચાલકથી ખુદને સલામત રાખવાના પ્રયત્નમાં તેમનો અકસ્માત થયો.

રસ્તા પર પડ્યા પછી થોડી મિનિટો બાદ કળ વળી એટલે તેમને જાતે જ ખ્યાલ આવ્યો કે ખભાના હાડકાનું ડિસ્પ્લેસમેન્ટ થયું છે. એક્ટિવા ચાલક તો મદદ કરવા શેનો ઊભો રહે. સામાન્ય સંજોગોમાં અને દિવસે એક્સિડન્ટ થાય તો રસ્તા પર ટોળું વળે. એથી વિપરીત અહીં રાતનો સમય હતો અને વરસાદ ચાલુ હતો એટલે જલદીથી કોઈ મદદે આવી પહોંચે તેવી શક્યતા નહોતી. તોય રસ્તે પસાર થતી એક કાર તેમને જોઇને અટકી ગઈ. કારચાલક બાળકોના રોગોના નિષ્ણાત ડૉક્ટર હતા. તેમણે ‘શ્વાસ સહેલાઇથી લઈ શકો છો? ક્યાં દુઃખે છે? ક્યાં ઇજા થયાનું અનુભવાય છે?’ એવા સવાલ પૂછીને વિશોધનભાઈ સ્વસ્થ હોવાની ખાતરી કરી લીધી. એમ્બ્યુલન્સ બોલાવવી છે કે સારવાર માટે ક્યાં જવું છે તેની પૂછપરછ કરતાં રેઇનકોટનો કોટ દૂર કરી આપ્યો અને એર-કંડિશનર ચાલુ કરી કારમાં બેસાડ્યા. એ દરમિયાન ડૉક્ટરને યાદ આવ્યું કે તેમના ઑર્થપીડિક ડૉક્ટર મિત્રનું ઘર નજીકમાં છે. તેમની મદદ મેળવી શકાય તેમ છે. નજીકમાં જ સ્થિત સેવિયર હૉસ્પિટલમાં / Saviour Hospital / http://saviourhospital.com/ પણ સારવાર માટે જઈ શકાય તેમ હતું. જો કે પરિચિત ડૉક્ટર પાસે જ સારવાર માટે જવાનું નક્કી કરી ચૂકેલા વિશોધનભાઈએ ડૉક્ટરને સ્કૂટર બાજુ પર પાર્ક કરી અકસ્માત સ્થળથી નજીકમાં આવેલી ઑફિસ સુધી મુકી જવાની વિનંતી કરી. ડૉક્ટર મુકી ગયા.

પરિચિત ડૉક્ટર પાસે નિદાન કરાવતા ખબર પડી કે ખભાની પાંસળીનું હાડકું તૂટી ગયું છે. સારવાર અને દોઢ-બે મહિનાના આરામ પછી જ હાડકાનું પૂર્વવત સંધાન શક્ય બનશે. પ્રણવના ભાઈ લેખે સંપર્કમાં આવ્યો ત્યારથી મેં વિશોધનભાઈને તેમના કાર્યક્ષેત્રમાં સતત પ્રવૃત્ત જ જોયા છે. ફરજિયાત આરામ કરવાનો સમયગાળો ચાલુ છે. દરમિયાન કારની સર્વિસ કરાવવા ગયેલા ડૉક્ટરને ગરાજના મેકૅનિકે કારની ડિકિમાંથી કોટ કાઢીને આપ્યો. ડૉક્ટરને યાદ આવ્યું કે અકસ્માત સમયે જેમની મદદમાં અને ઑફિસ સુધી મુકવા ગયા હતા તેમનો આ રેઇનકોટ છે. ઑફિસનું લોકેશન યાદ હતું એટલે સમય મળ્યે પરત પણ આપી ગયા.

સંભવતઃ ડૉક્ટર એવા સમયે ઑફિસે આવ્યા હતા કે તેમનું નામ – સરનામું – સંપર્ક વિગત પૂછપરછ કરીને જાણી શકે તેવી કોઈ વ્યક્તિ ત્યાં હાજર નહોતી. ખેર! વિશોધનભાઈ અધ્યારુ રસ્તા વચ્ચે તેમને મદદરૂપ થનાર ડૉક્ટરને મળવા માંગે છે. મળીને તેમનો આભાર વ્યક્ત કરવા માંગે છે. કેમ કે આ રીતે દરકાર લેનારા લોકોની સંખ્યા હવે ઓછી થતી જાય છે.

(તસવીર : બિનીત મોદી)

મને મદદરૂપ થનારને મારે મળવું છે

વિશોધન અધ્યારુ
પચાસમે વર્ષે બાળરોગ નિષ્ણાતને કેમ શોધી રહ્યા છે

મોજ – મનોરંજનના અનેક નવા વિકલ્પો એકવીસમી સદીમાં ઉપલબ્ધ હોવાથી સરકસના / Circus ખેલ હવે નહીંવત્ પ્રમાણમાં થાય છે. અમદાવાદમાં / Ahmedabad સરકસના તંબુ જ્યાં તાણવામાં આવતા હતા તે સાબરમતી નદીનો પટ રિવરફ્રન્ટને / Sabarmati Riverfront નામ કરી આપ્યા પછી અંગકસરતના દાવ જોવા મળતા નથી. જો કે અમદાવાદ કે તેના જેવા શહેરોમાં રસ્તા પર વાહન ચલાવવું એ અંગકસરતના દાવ કે સરકસમાં ખેલ બતાવવાથી કમ નથી.

વાહન ચલાવવું, સલામતીપૂર્વક ચલાવવું, અન્યને અડચણરૂપ ન થાય તે રીતે હંકારવું એ એક આવડત હોઈ શકે તે ખ્યાલ જ કદી આપણી આસપાસ ફરક્યો નહીં. એવો ખ્યાલ-સમજણ ઉગી નીકળશે ત્યારે મારી-તમારી, આ વાંચનારની હાજરી આ જગતમાં હશે કે કેમ એ વિશે કલ્પના જ કરવાની રહે. હાલ તો નાના-મોટા અકસ્માતોને / Hit and Run કારણે રસ્તા પર હાજરી નોંધાવતા માણસની ઘડી-બે ઘડીમાં કાયમી ‘ગેરહાજરી’ નોંધાઈ જાય તેવું વાતાવરણ છે. એ પહેલાનો તબક્કો છે અકસ્માતગ્રસ્ત થનારની મદદે પહોંચી જવું. પોલીસ ફરિયાદ અને તે પછીની કાનૂની પ્રક્રિયા સંબંધી જટિલ નિયમોમાં આવેલા કેટલાક સકારાત્મક ફેરફારોને કારણે હવે અકસ્માતને સમયે મદદરૂપ થનારા મળી રહે છે. બાકી થોડા વર્ષો અગાઉ આ બાબતે પરિસ્થિતિ તદ્દન કંગાળ હતી – અદ્દલ ભારતના રસ્તાઓ જેવી જ.

પોસ્ટમાં સૌથી ઉપર જેમનો ફોટો છે તે વિશોધનભાઈ અધ્યારુ / Vishodhan Adhyaru મિત્ર પ્રણવ અધ્યારુના / Pranav Adhyaru મોટાભાઈ છે અને એ રાહે પરિચિત છે. અમદાવાદમાં વ્યવસાયે કમ્પ્યૂટર નેટવર્કિંગ સિસ્ટમના નિષ્ણાત વિશોધનભાઈને 23મી ઑગસ્ટની રાત્રે વરસતા વરસાદમાં સ્કૂટર અકસ્માત થયો. રાત્રે દસ વાગ્યાની આસપાસ ઑફિસ કામકાજથી પરવારીને સરદાર પટેલ સ્ટેડિઅમ નજીક લખુડી તળાવડી તરીકે ઓળખાતા વિસ્તારના પાંચ રસ્તાના જંક્શન પરથી પસાર થતા અકસ્માતનો ભોગ બન્યા. રેઇનકોટ પહેરીને ઘર તરફ જવા સજ્જ તેઓ હોન્ડા ઇટર્નો સ્કૂટર પર સવાર હતા. વરસતા વરસાદમાં પણ ઝડપભેર બીજી દિશામાંથી આવતા એક્ટિવા ચાલકથી ખુદને સલામત રાખવાના પ્રયત્નમાં તેમનો અકસ્માત થયો.

રસ્તા પર પડ્યા પછી થોડી મિનિટો બાદ કળ વળી એટલે તેમને જાતે જ ખ્યાલ આવ્યો કે ખભાના હાડકાનું ડિસ્પ્લેસમેન્ટ થયું છે. એક્ટિવા ચાલક તો મદદ કરવા શેનો ઊભો રહે. સામાન્ય સંજોગોમાં અને દિવસે એક્સિડન્ટ થાય તો રસ્તા પર ટોળું વળે. એથી વિપરીત અહીં રાતનો સમય હતો અને વરસાદ ચાલુ હતો એટલે જલદીથી કોઈ મદદે આવી પહોંચે તેવી શક્યતા નહોતી. તોય રસ્તે પસાર થતી એક કાર તેમને જોઇને અટકી ગઈ. કારચાલક બાળકોના રોગોના નિષ્ણાત ડૉક્ટર હતા. તેમણે ‘શ્વાસ સહેલાઇથી લઈ શકો છો? ક્યાં દુઃખે છે? ક્યાં ઇજા થયાનું અનુભવાય છે?’ એવા સવાલ પૂછીને વિશોધનભાઈ સ્વસ્થ હોવાની ખાતરી કરી લીધી. એમ્બ્યુલન્સ બોલાવવી છે કે સારવાર માટે ક્યાં જવું છે તેની પૂછપરછ કરતાં રેઇનકોટનો કોટ દૂર કરી આપ્યો અને એર-કંડિશનર ચાલુ કરી કારમાં બેસાડ્યા. એ દરમિયાન ડૉક્ટરને યાદ આવ્યું કે તેમના ઑર્થપીડિક ડૉક્ટર મિત્રનું ઘર નજીકમાં છે. તેમની મદદ મેળવી શકાય તેમ છે. નજીકમાં જ સ્થિત સેવિયર હૉસ્પિટલમાં / Saviour Hospital / http://saviourhospital.com/ પણ સારવાર માટે જઈ શકાય તેમ હતું. જો કે પરિચિત ડૉક્ટર પાસે જ સારવાર માટે જવાનું નક્કી કરી ચૂકેલા વિશોધનભાઈએ ડૉક્ટરને સ્કૂટર બાજુ પર પાર્ક કરી અકસ્માત સ્થળથી નજીકમાં આવેલી ઑફિસ સુધી મુકી જવાની વિનંતી કરી. ડૉક્ટર મુકી ગયા.

પરિચિત ડૉક્ટર પાસે નિદાન કરાવતા ખબર પડી કે ખભાની પાંસળીનું હાડકું તૂટી ગયું છે. સારવાર અને દોઢ-બે મહિનાના આરામ પછી જ હાડકાનું પૂર્વવત સંધાન શક્ય બનશે. પ્રણવના ભાઈ લેખે સંપર્કમાં આવ્યો ત્યારથી મેં વિશોધનભાઈને તેમના કાર્યક્ષેત્રમાં સતત પ્રવૃત્ત જ જોયા છે. ફરજિયાત આરામ કરવાનો સમયગાળો ચાલુ છે. દરમિયાન કારની સર્વિસ કરાવવા ગયેલા ડૉક્ટરને ગરાજના મેકૅનિકે કારની ડિકિમાંથી કોટ કાઢીને આપ્યો. ડૉક્ટરને યાદ આવ્યું કે અકસ્માત સમયે જેમની મદદમાં અને ઑફિસ સુધી મુકવા ગયા હતા તેમનો આ રેઇનકોટ છે. ઑફિસનું લોકેશન યાદ હતું એટલે સમય મળ્યે પરત પણ આપી ગયા.

સંભવતઃ ડૉક્ટર એવા સમયે ઑફિસે આવ્યા હતા કે તેમનું નામ – સરનામું – સંપર્ક વિગત પૂછપરછ કરીને જાણી શકે તેવી કોઈ વ્યક્તિ ત્યાં હાજર નહોતી. ખેર! વિશોધનભાઈ અધ્યારુ રસ્તા વચ્ચે તેમને મદદરૂપ થનાર ડૉક્ટરને મળવા માંગે છે. મળીને તેમનો આભાર વ્યક્ત કરવા માંગે છે. કેમ કે આ રીતે દરકાર લેનારા લોકોની સંખ્યા હવે ઓછી થતી જાય છે.

(તસવીર : બિનીત મોદી)

ફેસબુક : ફન, ફંડાઝ અને ફેક્ટ્સ (સપ્ટેમ્બર – 2016)

(સપ્ટેમ્બર – 2016)

સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના બે આશય છે.

એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા અથવા દાખલ થયા પછી દૂર થયા છે તેમના સુધી પહોંચવાનો.

આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાના વિચારને 2012માં અમલમાં મૂક્યા પછી તેને નિયમિત કરતાં એ ક્રમમાં આ 71મી પોસ્ટ છે.

2010ના વર્ષની એક અને 2011થી 2015ના પાંચ વર્ષની મહિનાવાર સ્ટેટસ પ્રોફાઇલ પોસ્ટ રજૂ કર્યા પછી પ્રસ્તુત છે હવે સપ્ટેમ્બર – 2016. જે તે દિવસના વાર, તારીખ અને સમયના ઉલ્લેખ નીચે એ દિવસનું ‘સ્ટેટસ અપડેટ’ છે. ‘ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ ‘અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું. હા, ડમડમબાબા એ બ્લોગલેખકના અસ્તિત્વનો જ એક ભાગ છે.

આભાર.

ઉર્જિત પટેલ - ગવર્નર, રિઝર્વ બૅન્ક ઑફ ઇન્ડિયા

(Monday, 5 September 2016 at 08:30am)

‘વિયેતનામને 50 કરોડ ડોલરની લોન સહાય...’ – ભારત સરકાર

‘સાલું, મારે પહેલા જ દિવસથી ખાતાવહી માઇનસમાં લખવાની…’ – ઉર્જિત પટેલ, ગવર્નર – રિઝર્વ બૅન્ક ઑફ ઇન્ડિયા

લિ. ડબ્બા ગુલ પાર્ટી

* * * * * * *

(Thursday, 8 September 2016 at 11:11am)

મારે કાન છે બે ’ને અઠવાડિયામાં કવિ સંમેલન થાતા ચચ્ચાર,

આયખું છે બહેરું ’ને મુંગી મારી વ્યથા પર થાતા અત્યાચાર.

કવિ એન્ટ ઉર્ફે Dr. ENT Poet / ENT = Ear, Nose and Throat

* * * * * * *

(Thursday, 15 September 2016 at 08:50am)

‘દાસ’ના ખમણમાં વંદા નીકળતા જલારામ ખમણવાળા ‘બાપા’ વ્યથિત.

લિ. ‘દાસાનુંદાસ’ યોગેશ આણંદજીવાલા ખમણ હાઉસ

* * * * * * *

(Saturday, 17 September 2016 at 10:30am)

વંદામાં ખમણ નીકળતા ખમણ – ઢોકળાનું રાજધાનીમાં માર્કેટિંગ કરતા વડાપ્રધાન વં‘દાસ’ સ્પેશિયલ ચાઇનીઝ ખમણની જાતતપાસ માટે પાંચમે દિવસે પાટનગર ગાંધીનગરમાં હાજર.

લિ. ગુજરાતી થાળીનો રાજસ્થાની રસોઈયો

* * * * * * *

(Monday, 19 September 2016 at 09:40am)

બૉર્ડર પર થાય ત્યારે ખરી...પાકિસ્તાન સામે ‘બ્રોડબૅન્ડ વૉર’ શરૂ થઈ ગઈ છે.

લિ. બાંગ્લાદેશનો બલુચી નાગરિક

* * * * * * *

ઝીણાભાઈ દરજી

(Wednesday, 21 September 2016 at 09:20am)

“છપ્પનની છાતી હોય તો શર્ટ, કોટી, સદરો, ઝભ્ભો, પહેરણ સીવડાવવાનું જ કાયમ માટે માંડી વાળવું જોઇએ. જરૂર શું છે એની?” – ઝીણાભાઈ દરજી

નોંધ : ઝીણાભાઈ દરજીએ આવું કંઈ કહ્યું નથી. કહે પણ નહીં. આ તો એ બહાને જરા સદગતની યાદ.

ઝીણાભાઈ દરજી = ગુજરાતના રાજકીય આગેવાન

* * * * * * *

(Friday, 23 September 2016 at 08:25am)

શ્રાદ્ધના દિવસોમાં સ્વજનને ગુમાવવાનું દુઃખ બમણું હોય છે અને સરહદે શહીદ થતા સૈનિક માટેનું દુઃખ ચારગણું. દરમિયાન નવાઝ શરીફે નરેન્દ્ર મોદીને પૂછાવ્યું છે કે તેમનો દેશ ‘પૂર્વ પાકિસ્તાન’નું શ્રાદ્ધ ક્યારે કરે?

લિ. કાકાકૌઆ of કાશ્મીર @ ઉરી બ્રિગેડ હેડક્વાર્ટર હુમલો : 18 સપ્ટેમ્બર 2016

* * * * * * *

(Tuesday, 27 September 2016 at 09:10am)

“ગયા અઠવાડિયે પાકિસ્તાન વિરૂદ્ધ આતંકવાદ – યુદ્ધની ફેસબુક, ટ્વિટર પોસ્ટ કર્યા પછી આ અઠવાડિયે શું કરવાનો ઇરાદો છે બિરાદર?”

“નવરાત્રી ગરબાના ફ્રી પાસની ઇન્કવાયરી...”

લિ. માતાજીનો પ્રસાદીયો ભક્ત

ગયા મહિને અહીં મુકેલી ઑગસ્ટ – 2016ના પ્રોફાઇલ સ્ટેટસની પોસ્ટ લિંક આ રહી –

http://binitmodi.blogspot.in/2016/09/2016.html

.....તેમજ ગત વર્ષોમાં અહીં મુકેલી સપ્ટેમ્બર – 2011, સપ્ટેમ્બર – 2012, સપ્ટેમ્બર – 2013, સપ્ટેમ્બર – 2014 તેમજ સપ્ટેમ્બર – 2015ના પ્રોફાઇલ સ્ટેટસની પોસ્ટ લિંક અનુક્રમે આ રહી –

http://binitmodi.blogspot.in/2012/10/2011.html

http://binitmodi.blogspot.in/2012/10/2012.html

http://binitmodi.blogspot.in/2013/10/2013_7.html

http://binitmodi.blogspot.in/2014/10/2014.html

http://binitmodi.blogspot.in/2015/10/2015.html

(સંબંધિત તસવીરો અને ઇમિજસ : નેટ પરથી)

ફેસબુક : ફન, ફંડાઝ અને ફેક્ટ્સ (સપ્ટેમ્બર – 2016)

(સપ્ટેમ્બર – 2016)

સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના બે આશય છે.

એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા અથવા દાખલ થયા પછી દૂર થયા છે તેમના સુધી પહોંચવાનો.

આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાના વિચારને 2012માં અમલમાં મૂક્યા પછી તેને નિયમિત કરતાં એ ક્રમમાં આ 71મી પોસ્ટ છે.

2010ના વર્ષની એક અને 2011થી 2015ના પાંચ વર્ષની મહિનાવાર સ્ટેટસ પ્રોફાઇલ પોસ્ટ રજૂ કર્યા પછી પ્રસ્તુત છે હવે સપ્ટેમ્બર – 2016. જે તે દિવસના વાર, તારીખ અને સમયના ઉલ્લેખ નીચે એ દિવસનું ‘સ્ટેટસ અપડેટ’ છે. ‘ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ ‘અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું. હા, ડમડમબાબા એ બ્લોગલેખકના અસ્તિત્વનો જ એક ભાગ છે.

આભાર.

ઉર્જિત પટેલ - ગવર્નર, રિઝર્વ બૅન્ક ઑફ ઇન્ડિયા

(Monday, 5 September 2016 at 08:30am)

‘વિયેતનામને 50 કરોડ ડોલરની લોન સહાય...’ – ભારત સરકાર

‘સાલું, મારે પહેલા જ દિવસથી ખાતાવહી માઇનસમાં લખવાની…’ – ઉર્જિત પટેલ, ગવર્નર – રિઝર્વ બૅન્ક ઑફ ઇન્ડિયા

લિ. ડબ્બા ગુલ પાર્ટી

* * * * * * *

(Thursday, 8 September 2016 at 11:11am)

મારે કાન છે બે ’ને અઠવાડિયામાં કવિ સંમેલન થાતા ચચ્ચાર,

આયખું છે બહેરું ’ને મુંગી મારી વ્યથા પર થાતા અત્યાચાર.

કવિ એન્ટ ઉર્ફે Dr. ENT Poet / ENT = Ear, Nose and Throat

* * * * * * *

(Thursday, 15 September 2016 at 08:50am)

‘દાસ’ના ખમણમાં વંદા નીકળતા જલારામ ખમણવાળા ‘બાપા’ વ્યથિત.

લિ. ‘દાસાનુંદાસ’ યોગેશ આણંદજીવાલા ખમણ હાઉસ

* * * * * * *

(Saturday, 17 September 2016 at 10:30am)

વંદામાં ખમણ નીકળતા ખમણ – ઢોકળાનું રાજધાનીમાં માર્કેટિંગ કરતા વડાપ્રધાન વં‘દાસ’ સ્પેશિયલ ચાઇનીઝ ખમણની જાતતપાસ માટે પાંચમે દિવસે પાટનગર ગાંધીનગરમાં હાજર.

લિ. ગુજરાતી થાળીનો રાજસ્થાની રસોઈયો

* * * * * * *

(Monday, 19 September 2016 at 09:40am)

બૉર્ડર પર થાય ત્યારે ખરી...પાકિસ્તાન સામે ‘બ્રોડબૅન્ડ વૉર’ શરૂ થઈ ગઈ છે.

લિ. બાંગ્લાદેશનો બલુચી નાગરિક

* * * * * * *

ઝીણાભાઈ દરજી

(Wednesday, 21 September 2016 at 09:20am)

“છપ્પનની છાતી હોય તો શર્ટ, કોટી, સદરો, ઝભ્ભો, પહેરણ સીવડાવવાનું જ કાયમ માટે માંડી વાળવું જોઇએ. જરૂર શું છે એની?” – ઝીણાભાઈ દરજી

નોંધ : ઝીણાભાઈ દરજીએ આવું કંઈ કહ્યું નથી. કહે પણ નહીં. આ તો એ બહાને જરા સદગતની યાદ.

ઝીણાભાઈ દરજી = ગુજરાતના રાજકીય આગેવાન

* * * * * * *

(Friday, 23 September 2016 at 08:25am)

શ્રાદ્ધના દિવસોમાં સ્વજનને ગુમાવવાનું દુઃખ બમણું હોય છે અને સરહદે શહીદ થતા સૈનિક માટેનું દુઃખ ચારગણું. દરમિયાન નવાઝ શરીફે નરેન્દ્ર મોદીને પૂછાવ્યું છે કે તેમનો દેશ ‘પૂર્વ પાકિસ્તાન’નું શ્રાદ્ધ ક્યારે કરે?

લિ. કાકાકૌઆ of કાશ્મીર @ ઉરી બ્રિગેડ હેડક્વાર્ટર હુમલો : 18 સપ્ટેમ્બર 2016

* * * * * * *

(Tuesday, 27 September 2016 at 09:10am)

“ગયા અઠવાડિયે પાકિસ્તાન વિરૂદ્ધ આતંકવાદ – યુદ્ધની ફેસબુક, ટ્વિટર પોસ્ટ કર્યા પછી આ અઠવાડિયે શું કરવાનો ઇરાદો છે બિરાદર?”

“નવરાત્રી ગરબાના ફ્રી પાસની ઇન્કવાયરી...”

લિ. માતાજીનો પ્રસાદીયો ભક્ત

ગયા મહિને અહીં મુકેલી ઑગસ્ટ – 2016ના પ્રોફાઇલ સ્ટેટસની પોસ્ટ લિંક આ રહી –

http://binitmodi.blogspot.in/2016/09/2016.html

.....તેમજ ગત વર્ષોમાં અહીં મુકેલી સપ્ટેમ્બર – 2011, સપ્ટેમ્બર – 2012, સપ્ટેમ્બર – 2013, સપ્ટેમ્બર – 2014 તેમજ સપ્ટેમ્બર – 2015ના પ્રોફાઇલ સ્ટેટસની પોસ્ટ લિંક અનુક્રમે આ રહી –

http://binitmodi.blogspot.in/2012/10/2011.html

http://binitmodi.blogspot.in/2012/10/2012.html

http://binitmodi.blogspot.in/2013/10/2013_7.html

http://binitmodi.blogspot.in/2014/10/2014.html

http://binitmodi.blogspot.in/2015/10/2015.html

(સંબંધિત તસવીરો અને ઇમિજસ : નેટ પરથી)