પ્રતિભાવો ઉર્ફે Comments

Thursday, January 09, 2014

ફેસબુક : ફન, ફંડાઝ અને ફેક્ટ્સ (ડિસેમ્બર – 2013)

(ડિસેમ્બર – 2013)
સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના આશય માત્ર બે જ છે.
એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા તેમના સુધી પહોંચવાનો.
આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાના વિચારને 2012માં અમલમાં મૂક્યો. જેના અમલની કોઈ નિશ્ચિત તારીખ નહોતી એવી આ પોસ્ટસ્ ને મળેલા થોડા પ્રતિભાવો – કમેન્ટ્સ અને રીડર સ્કોરથી તેને નિયમિત કરવાનું મને બળ મળ્યું અને એ ક્રમમાં આ 38મી પોસ્ટ છે.
જુલાઈ – 2012ના સ્ટેટસ પ્રોફાઇલની પહેલી પોસ્ટથી પ્રારંભ કર્યા પછી પ્રસ્તુત છે હવે ડિસેમ્બર – 2013. જે તે દિવસના વાર, તારીખ સમયના ઉલ્લેખ નીચે એ દિવસનું સ્ટેટસ અપડેટ છે.ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું. હા, ડમડમબાબા એ બ્લોગલેખકના અસ્તિત્વનો જ એક ભાગ છે.
આભાર.

‘તરૂણ’ આરોપી
(Sunday, 1 December 2013 at 03:33pm)
પણજી (ગોવા)ની કૉર્ટમાં ડમડમબાબાની સાક્ષીએ ડાયલૉગ સિરીઝ.....
મિસ્ટર તેજપાલ...સાથી મહિલા પત્રકારની જાતીય સતામણી કરવાના તમારા વિરૂદ્ધના આરોપ માટે ખુદના બચાવમાં કોઈ રજૂઆત કરવી છે?”
હા સાહેબ...મારી અરજ છે કે મારા વિરૂદ્ધનો કેસ જૂવિનાઇલ કૉર્ટમાં ચલાવવામાં આવે.
જૂવિનાઇલ કૉર્ટમાંAre you mad? તમારી ઉંમર સામું તો જૂઓ મિસ્ટર તરૂણ...
હું એ જ કહું છું જજસાહેબ...મારું નામ તરૂણ છે એટલે કેસ જૂવિનાઇલ કૉર્ટમાં...
* * * * * * *

(Tuesday, 3 December 2013 at 11:11am)
શહેરમાં વસતા ભટકતા કૂતરાંઓનું જીવનધોરણ સુધર્યું છે એમ ચોક્કસપણે કહી શકાય...કેમ કે...
...ડમડમબાબાનું ચોંકાવનારું સંશોધન એમ કહે છે કે...અગાઉ ગાડી નીચે લપાઈ જતા કૂતરા પર રેડિયેટરનું ગરમ લાય પાણી પડતું હતું...હવે SUV નીચે આરામ ફરમાવતા કૂતરાંઓ પર એરકંડિશનરની પાઇપમાંથી ઠંડા પાણીનો અભિષેક થાય છે.
* * * * * * *

(Thursday, 5 December 2013 at 11:11am)
વાહન ધીમેથી અને ધ્યાનથી ચલાવજો...
...કારણ કે...ખૂણામાં જન્મેલાં કુરકુરિયાં હવે રસ્તા પર ફરવા લાગ્યા છે.
* * * * * * *

(Saturday, 7 December 2013 at 09:29am)
મોંઘામાં મોંઘી લક્ઝરી કારમાં એક જ સીડી ડ્રાઇવ હોય છે...જ્યારે...
...લક્ઝરી બસમાં બે સીડી ડ્રાઇવ હોય છે...
એક સંગીત સાંભળવા માટે...અને...
બીજી બસને બહારથી સાફ કરવા ક્લીનરના ઉપયોગ માટેની સીડી (ડ્રાઇવ)...
...હા...હા...હા...આને પણ ડમડમબાબાનું ચોંકાવનારું સંશોધન જ ગણવા વિનંતી.
* * * * * * *

(Monday, 9 December 2013 at 06:00pm)
દેશમાં દસ વર્ષથી રાજ કરતા કૉંગ્રેસ પક્ષે રાજધાનીના દિલ્હી રાજ્યમાંથી વિરોધ પક્ષ તરીકે મળતી માન્યતા પણ ગુમાવી દીધી છે.
* * * * * * *

(Wednesday, 11 December 2013 at 12:34pm)
દિલ્હી વિધાનસભામાં ભારતીય જનતા પક્ષ કે આમ આદમી પાર્ટી કોઈ એક રાજકીય પક્ષ પાસે બહુમતી સાબિત કરવાનો એક જ વૈજ્ઞાનિક રસ્તો હવે બચ્યો છે...
...જીતી ગયેલા ઉમેદવારોનું ક્લોનિંગ કરાવો.
* * * * * * *

(Wednesday, 11 December 2013 at 05:50pm)
દિલ્હી વિધાનસભા ચૂંટણીના પરિણામો પછી...
બધી ભારતીય ભાષાઓમાં ‘આપ’ શબ્દ અત્યારે ‘બાપ’ બનીને બેઠો છે.
* * * * * * *

(Thursday, 12 December 2013 at 11:22am)
મમ્મી...ક્યાં છો? તમારી ચિંતા થાય છે.
બેટા...ઘરે જ છું. તારા પપ્પા કૉર્ટમાંથી ઘરે આવે તેની રાહ જોઉં છું...
“…પણ દીકરા...તું ક્યાં છે? તારી ચિંતા થાય છે હોં.
મમ્મી...મારી ચિંતા ન કરતા. પપ્પાની તો બિલકુલ નહીં. હું એમની ઇન્ટર્ન સાથે જ છું.
પ્રસંગોપાત ડાયલૉગ સિરીઝ by ડમડમબાબા
* * * * * * *

(Sunday, 15 December 2013 at 08:20am & 05:10pm)
ભારતમાં એક પણ રેલવે સ્ટેશન એવું નહીં હોય...
...જેના પ્લૅટફૉર્મ પર જુગાર ના રમાતો હોય.....(જયપુર – રાજસ્થાન, ભોપાલ – મધ્ય પ્રદેશના પ્રવાસ પછી અમદાવાદથી અઢારસો કિલોમીટર દૂર ઓડિસા રાજ્યના સંબલપુર જિલ્લાના બુરલા ગામે પહોંચ્યા પછી કરેલું ચોંકાવનારું સંશોધન.)
* * * * * * *

હૃતિક રોશન અને સુઝાન ખાન
(Saturday, 21 December 2013 at 02:02pm)
અભિનેતા હૃતિક રોશન અને સુઝાન ખાનના તેર વર્ષના લગ્નજીવન બાદ થયેલા છૂટાછેડાના સમાચાર વાંચો છો?”
ના...તેર વર્ષ અગાઉ તેમના લગ્ન નિમિત્તે પ્રકટ થયેલી હિન્દુ મુસ્લિમ એકતાની અખબારી વાર્તાઓ શોધીને નવેસરથી વાંચુ છું.
ડમડમબાબાની ડિવોર્સ ડાયલૉગ સિરીઝ.....
* * * * * * *


(Monday, 23 December 2013 at 02:02pm)
મુસાફરોની સુવિધા માટે ટ્રેન કમ્પાર્ટમન્ટમાં રાખવામાં આવેલા પાવર પ્લગનો ઉપયોગ કરનારા જાત-ભાતના લોકો હોય છે...
...એક મુસાફરે મોબાઇલ ચાર્જ કરવા મુક્યો...
...બીજાએ પ્લગ ભરાવી લેપટોપ ચાલુ કર્યું...
...તો...ત્રીજાએ ઓલઆઉટ ભરાવ્યું અને માથે ઓઢીને ઊંઘી ગયો...
(ઓલઆઉટ = મચ્છર ભગાડતું સાધન)
* * * * * * *


(Tuesday, 24 December 2013 at 12:12pm)
અમદાવાદના કેટલાક નાગરિકોને જિમ્નેસિયમમાં કરેલી કસરત પહેલીવાર ખપમાં આવી...
...કર્ણાવતી ક્લબની વાર્ષિક સામાન્ય સભામાં સભ્યોએ અંદરોઅંદર મારામારી કરી.
* * * * * * *

કેશુભાઈ પટેલ અને ક્રિસમસ
(CHRISTMAS : Wednesday, 25 December 2013 at 06:20pm)
ખરેખર ચેક કરવાની પણ જરૂર નથી. માત્ર મનોમન કલ્પના કરી જુઓ...
ગુજરાત પરિવર્તન પાર્ટીના મુખિયાજી કેશુભાઈ પટેલને લેંઘા-ઝભ્ભાને બદલે સાન્તાક્લૉઝના લિબાસમાં કલ્પી જુઓ...મઝા આવશે...કલ્પના કરવાની.
* * * * * * *

નાણા મંત્રાલયના પૂર્વ કર્મચારીઓ
(Saturday, 28 December 2013 at 01:15pm)
કેન્દ્ર સરકારના નાણા મંત્રાલય સાથે સંકળાયેલા વિભાગના ભૂતપૂર્વ કર્મચારીઓનું નસીબ અન્ય મંત્રાલયના કર્મચારીઓની સરખામણીએ સારું છે...
...રિઝર્વ બૅન્ક ઑફ ઇન્ડિયાના પૂર્વ ગવર્નર ડૉ. મનમોહન સિંહ હાલમાં દેશના વડાપ્રધાનપદે બિરાજે છે...તો...
...આવકવેરા વિભાગના પૂર્વ અધિકારી અરવિંદ કેજરીવાલ આજે દિલ્હીના મુખ્યમંત્રીપદે બિરાજ્યા.
* * * * * * *

અરવિંદ કેજરીવાલ
મુખ્યમંત્રી  દિલ્હી
(Sunday, 29 December 2013 at 10:25am)
અરવિંદ કેજરીવાલ એવી પહેલી વ્યક્તિ છે જેમની મુખ્યમંત્રીપદ સંભાળ્યાના પહેલા દિવસથી નહીં...પણ...
...એ પહેલાંથી દેશના વડાપ્રધાનપદના ઉમેદવાર રૂપે ગણના થવા માંડી હોય...
ડમડમબાબાનું ચોંકાવનારું રાજકીય અવલોકન.
* * * * * * *

દીક્ષિત માતા  પુત્ર
(Monday, 30 December 2013 at 09:55am)
મમ્મી...તમારું એક કામ હતું.
હા...બોલોને બેટા...શું હતું?”
મમ્મી...લાઈટબિલ ભરવાનો આજે છેલ્લો દિવસ છે. તમે ભરી આવજોને...મારે પાર્લમન્ટ જવાનું મોડું થાય છે.
હા...પણ છ મહિના પછી લોકસભાની ચૂંટણી હારી ગયા પછી તો બિલ ભરવા પાછું તારે જ જવું પડશે હોં...પ્રોમિસ...
સંદીપ દીક્ષિત અને શીલા દીક્ષિત વચ્ચે થયેલો ડાયલૉગ.
* * * * * * *

(Tuesday, 31 December 2013 at 11:11am)
કાર શૉ-રૂમમાં ડમડમબાબાની ડાયલૉગ સિરીઝ.....
એક નેનો આપજોને...વ્હાઇટ કલરની.
ચલાવીને લઈ જવી છે કે બોક્ષ પેકિંગ કરી આપું?”
બોક્ષ પેકિંગ...અને હા, ઉપર પેપર રેપિંગ કરજો...નવા વર્ષની ગિફ્ટમાં આપવાની છે.

ગયા મહિને અહીં મુકેલી નવેમ્બર – 2013ના પ્રોફાઇલ સ્ટેટસની પોસ્ટ લિંક આ રહી –

.....તેમજ ગયા વર્ષે જાન્યુઆરી મહિનામાં અહીં મુકેલી ડિસેમ્બર – 2012 તેમજ ડિસેમ્બર 2011ના પ્રોફાઇલ સ્ટેટસની પોસ્ટ લિંક અનુક્રમે આ રહી – http://www.binitmodi.blogspot.in/2013/01/2012.html

(સંબંધિત તસવીરો અને ઇમિજસ : નેટ પરથી)

4 comments:

  1. waah.... tamari pase jordaar bhasha cche, aa ghodo evo chhe jene koi haraavi shaktu nathi... waah.....

    ReplyDelete
    Replies
    1. આણંદ જિલ્લાના મુકામ પોસ્ટ તારાપુરના નિવાસી કવિ જલાલ મસ્તાન...
      ...આપને આ વાંચવું ગમે છે તેનો મને આનંદ છે...તમારી શુભેચ્છાઓની છાલક મારા સુધી પહોંચે છે. આભાર.

      બિનીત મોદી (અમદાવાદ)

      Delete
  2. સૌ મિત્રો,
    બ્લોગની 92મી પોસ્ટ (9 જાન્યુઆરી 2014)ના વાચન / પ્રતિભાવ માટે આભારી છું.

    બિનીત મોદી (અમદાવાદ) / શુક્રવાર, 14 માર્ચ 2014

    ReplyDelete
  3. પ્રિય મિત્રો,
    બ્લોગ ‘હરતાંફરતાં’ને પોણા ત્રણ વર્ષ પૂર્ણ થયા.
    92મી પોસ્ટનો પહેલા વર્ષનો રીડર સ્કોર છે : 09-01-2014 to 09-01-2015 – 190
    બિનીત મોદી (અમદાવાદ)

    ReplyDelete