ફેસબુક : ફન, ફંડાઝ અને ફેક્ટ્સ (જુલાઈ – 2016)

(જુલાઈ – 2016)

સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના બે આશય છે.

એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા અથવા દાખલ થયા પછી દૂર થયા છે તેમના સુધી પહોંચવાનો.

આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાના વિચારને 2012માં અમલમાં મૂક્યા પછી તેને નિયમિત કરતાં એ ક્રમમાં આ 69મી પોસ્ટ છે.

2010ના વર્ષની એક અને 2011થી 2015ના પાંચ વર્ષની મહિનાવાર સ્ટેટસ પ્રોફાઇલ પોસ્ટ રજૂ કર્યા પછી પ્રસ્તુત છે હવે જુલાઈ – 2016. જે તે દિવસના વાર, તારીખ અને સમયના ઉલ્લેખ નીચે એ દિવસનું ‘સ્ટેટસ અપડેટ’ છે. ‘ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ ‘અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું. હા, ડમડમબાબા એ બ્લોગલેખકના અસ્તિત્વનો જ એક ભાગ છે.

આભાર.

(Friday, 1 July 2016 at 08:00am)

ખીસું, ગજવું, પાકિટ ’ને બટવો...સઘળું ફંફોસી નાખ ફરી-ફરી...

નીકળશે કડકડતી ચલણી નોટો...’ને હશે રઘુરામ રાજનની સહી...

સ્વમાની કવયિત્રીના ‘સ્વામી’ની મનમાની રચના...

સ્ટેટ બૅન્ક ઑફ ઇન્ડિયાના બાસઠમા સ્થાપના દિન નિમિત્તે...

* * * * * * *

(Monday, 4 July 2016 at 03:00pm)

ભગવાન જગન્નાથજીની આ વર્ષની 139મી રથયાત્રામાં એકત્રીસમો અખાડો ‘ગુજરાતી સાહિત્ય પરિષદ’ અને ‘ગુજરાત સાહિત્ય અકાદમી’ના સભ્યો વચ્ચે ચાલતા મલ્લયુદ્ધના કરતબો દર્શાવે તેવી વકી છે.

લિ. બેની લડાઇમાં ફાવતો ત્રીજો એવો માલપુઆનો પ્રેમી

* * * * * * *

માર્કો પોલો ‘વિશ્વપ્રવાસી’

(Friday, 8 July 2016 at 09:00am)

ચારેય દિશાઓમાં જોઈ...

તારી યાત્રાઓ હવાઈ...

માર્કો પોલો પણ ગયો છે શરમાઈ.

લિ. ફૉરિન્ ટુરના એકમાત્ર સ્વદેશી આયોજક

* * * * * * *

વણઝારાને મર્સિડીઝ કાર ભેટ આપનાર પુત્ર અને...

લાંચ લેનાર પુત્ર અર્જુન અને સાથીદાર જસવંતસિંહ હજુરી

(Monday, 11 July 2016 at 09:00am)

ગુજરાત પ્રવેશની મંજૂરી મળતા પૂર્વ પોલીસ અધિકારી ડી.જી. વણઝારાનો ઉદ્યોગપતિ પુત્ર પપ્પાને પંચોતેર લાખ રૂપિયાની મર્સિડીઝ કાર ભેટમાં આપે છે તેના બીજા મહિને મામલતદાર પુત્ર પંચોતેર હજાર રૂપરડીની લાંચ લેતા પકડાય છે.

હે ‘સ્વામી’ રઘુરામ રાજન...આ આર્થિક અસમાનતા ક્યારે દૂર થશે?

લિ. આર્થિક અસમાનતાનો એડવોકેટ

* * * * * * *

(Thursday, 14 July 2016 at 03:00pm)

કશ્મીર સમસ્યા પ્રથમ વડાપ્રધાન જવાહરલાલ નેહરૂ તરફથી મળેલી એવી ભેટ છે જેને તેમના પછીના નરેન્દ્ર મોદી સુધીના વડાપ્રધાનો તોશાખાનામાં જમે કરાવી શકતા નથી.

તોશાખાનું = હોદ્દા પર રહેતાં સત્તાવાર ધોરણે મળેલી કીમતી ભેટ-સોગાદોને જમા કરાવવાનો સરકારી વિભાગ

લિ. તોશાખાનાનો કારકુન

* * * * * * *

(Monday, 18 July 2016 at 09:00am)

“પપ્પા, મારે ગૌરીવ્રત કરવું છે.”

“એથી શું થાય?”

“સારો વર મળે.”

“કોઈ જરૂર નથી. વ્રત કર્યા વગર પણ તારી મમ્મીને હું મળ્યોને.”

ડમડમબાબા ડાયલૉગ સિરીઝ.....

* * * * * * *

(Monday, 18 July 2016 at 06:00pm)

“મમ્મી, મારે ગૌરીવ્રત કરવું છે.”

“એથી શું થાય?”

“સારો વર મળે.”

“કોઈ જરૂર નથી. વ્રત કર્યા પછી પણ મારે લમણે કોણ લખાયું એ તું જૂએ છે ને?”

ડમડમબાબા ડાયલૉગ સિરીઝ.....

* * * * * * *

(Thursday, 21 July 2016 at 09:00am)

આજથી શરૂ થતી તદ્દન નવી માર્ગદર્શન શ્રેણી...ભાગ – 1

માહિતી હોય તો માર્ગદર્શન આપો Desai Shilpa / https://www.facebook.com/desai.shilpa.7

Sister, ગત ચોમાસાથી ઓણ સાલના પહેલા વરસાદ સુધી આચર-કુચર ખાવાના કારણે ગયા વર્ષે ખરીદેલો રેનકોટ બંધબેસતો નથી. તો એને ઑલ્ટર કરાવી શકાય?

લિ. વૉડ્રોબમાં માત્ર રેનકોટ ધરાવતો જણ

તાજાકલમ : માર્ગદર્શન ન આપી શકો તો મને Unfriend તેમજ BLOCK કરી આપનું ફેસબુક અકાઉન્ટ Deactivate કરી દેવા વિનંતી છે. કેમ કે માર્ગદર્શન ન આપી શકતા હો તો પછી પ્રોફાઇલ ચાલુ રાખવાનો કોઈ અર્થ સરતો નથી.

* * * * * * *

(Friday, 22 July 2016 at 11:00am)

“રજનીકાન્ત ગુજરાતી ફિલ્મમાં આવવાનો છે.”

“કઈ ફિલમમાં?”

“હાલમાં શૂટિંગ ફ્લોર પર છે એ તમામમાં...”

ડમડમબાબા ડાયલૉગ સિરીઝ.....

* * * * * * *

ધારીના ધારાસભ્ય નલીન કોટડિયા

(Thursday, 28 July 2016 at 12:00 Noon)

પાણીના પ્રશ્નને લઈ રાજકીય કારકિર્દીની શરૂઆત કરનાર કાર્યકરનું સમગ્ર જીવન છેવટે પાણીમાં જ જાય છે.

લિ. નલીન કોટડિયા અને સુરેન્દ્ર ‘કાકા’ પટેલના અંગત ‘રાઝ’જ્યોતિષી

ગયા મહિને અહીં મુકેલી જૂન – 2016ના પ્રોફાઇલ સ્ટેટસની પોસ્ટ લિંક આ રહી –

http://binitmodi.blogspot.in/2016/07/2016.html

.....તેમજ ગત વર્ષોમાં અહીં મુકેલી જુલાઈ – 2011, જુલાઈ – 2012, જુલાઈ – 2013, જુલાઈ – 2014 તેમજ જુલાઈ – 2015ના પ્રોફાઇલ સ્ટેટસની પોસ્ટ લિંક અનુક્રમે આ રહી –

http://binitmodi.blogspot.in/2012/08/2011.html

http://binitmodi.blogspot.in/2012/08/2012.html

http://binitmodi.blogspot.in/2013/08/2013.html

http://binitmodi.blogspot.in/2014/08/2014.html

http://binitmodi.blogspot.in/2015/08/2015.html

(સંબંધિત તસવીરો અને ઇમિજસ : નેટ પરથી)

ફેસબુક : ફન, ફંડાઝ અને ફેક્ટ્સ (જુલાઈ – 2015)

(જુલાઈ – 2015)

સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના બે આશય છે.

એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા અથવા દાખલ થયા પછી દૂર થયા છે તેમના સુધી પહોંચવાનો.

આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાના વિચારને 2012માં અમલમાં મૂક્યા પછી તેને નિયમિત કરતાં એ ક્રમમાં આ 57મી પોસ્ટ છે.

2010ના વર્ષની એક અને 2011, 2012, 2013 અને 2014ના વર્ષની મહિનાવાર સ્ટેટસ પ્રોફાઇલ પોસ્ટ રજૂ કર્યા પછી પ્રસ્તુત છે હવે જુલાઈ – 2015. જે તે દિવસના વાર, તારીખ અને સમયના ઉલ્લેખ નીચે એ દિવસનું ‘સ્ટેટસ અપડેટ’ છે. ‘ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ ‘અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું. હા, ડમડમબાબા એ બ્લોગલેખકના અસ્તિત્વનો જ એક ભાગ છે.

આભાર.

(Friday, 3 July 2015 at 02:00pm)

ટ્રક ડ્રાઇવિંગ કરીને બે પાંદડે થયેલો ડ્રાઇવર કાર ફેરવતો થઈ જાય પછી પણ હૉર્ન તો એ ખટારાનું જ નંખાવે છે અને એ જ સ્ટાઇલથી વગાડે છે.

* * * * * * *

(Thursday, 9 July 2015 at 03:00pm)

શર્ટની સિલાઈ સાથે આપવામાં આવતા વધારાના બટનનો કોઈ ઉપયોગ થાય તે પહેલા જ શર્ટ કધોવન પડી જાય અથવા કલર ફટકી જાય...કાં તો શર્ટ ફાટી જાય છે...

આમ ‘બટન’ જેવી મહામૂલી રાષ્ટ્રીય સંપત્તિનો બગાડ થાય છે.

* * * * * * *

(Friday, 10 July 2015 at 02:45pm)

શેરબજારનો ઇન્ડેક્ષ કહેવાતો સેન્સેક્ષ તો ગબડી જ રહ્યો છે...ફૂડ ઇન્ડેક્ષની પણ એવી જ હાલત છે...

ઘરમાં આજથી રસ – રોટલીની જગ્યાએ ભાખરી-શાક-દાળ-ભાતનું મેન્યૂ શરૂ થયું.

* * * * * * *

(Tuesday, 14 July 2015 at 06:00pm)

ગુજરાતમાં કયા સમયે હોદ્દા પર કયા રાજ્યપાલ હતા તે વિગત ગુગલ, વીકીપીડિઆ, ગુજરાત સરકારની વેબસાઇટના વિકલ્પે ચંદ્રકાન્ત મહેતાના પુસ્તકોની ‘અર્પણ’ નોંધના પાના પરથી પણ મળી શકે છે.

* * * * * * *

જગન્નાથજી, સુભદ્રાજી અને બલભદ્રજી

(Friday, 17 July 2015 at 11:22am)

જગન્નાથજી – સુભદ્રાજી અને બલભદ્રજીએ અમદાવાદ મ્યુનિસિપલ કૉર્પોરેશનની દાણાપીઠ સ્થિત મુખ્ય કચેરીની યાત્રા કરી. ભાવવિભોર બની નગરપતિ મીનાક્ષીબહેન પટેલના દર્શન કર્યા. રથયાત્રાના દિવસે પોતાના રથ ખાડામાં ખૂંપી ન જાય કે તેના વજનથી ભૂવા ના પડે તે માટે ત્રણેય ભાઈ-બહેને સાથે મળીને મેયરને પ્રાર્થના કરી.

* * * * * * *

(Tuesday, 21 July 2015 at 02:55pm)

C = Canteen – સંસદની કૅન્ટીનમાં મળતું સસ્તું ભોજન

C = Chauhan Gajendra – FTIIની ગવર્નિંગ કાઉન્સિલના ચૅરમૅનપદે નિમણૂક

C = Chauhan ShivrajSinh – મધ્યપ્રદેશની સરકારી નોકરીઓનું ‘વ્યાપમ’ કૌભાંડ

C = Chhattisgarh – મુખ્યમંત્રી ડૉ. રમણસિંહનું ચોખા કૌભાંડ

C = Corruption – મહારાષ્ટ્રના બાળકલ્યાણ મંત્રી પંકજા મુંડેનું ચીકી કૌભાંડ

C = Cricket – વિદેશમંત્રી સુષ્મા સ્વરાજ અને રાજસ્થાનના મુખ્યમંત્રી વસુંધરા રાજેની લલિત મોદીને ‘માનવીય મદદ’

C = Crime – ‘વ્યાપમ’ કૌભાંડ સાથે સંકળાયેલાઓના શંકાસ્પદ મોતનો સિલસિલો

સાત ‘C’ના વરસાદ સાથે સંસદના ચોમાસુ સત્રનો આરંભ...

* * * * * * *

(Friday, 24 July 2015 at 01:15pm)

દર શુક્રવારે રજૂઆત પામતી નવી હિન્દી ફિલ્મોના રિવ્યૂ લખતા ગુજરાતી લેખકોએ રિલીઝના ત્રણ અઠવાડિયા પછી પણ હિન્દી ફિલ્મના ગુજરાતી નિર્માતા – દિગ્દર્શક જશવંત ગાંગાણીની ફિલમ ‘બેજુબાન ઇશ્ક’ વિશે અક્ષરેય પાડ્યો નથી. આ ‘બેજુબાન ધોખાબાજી’ છે.

હિન્દી ફિલમ બનાવો તો ય ગુજરાતી તરીકે તો ‘શું શા પૈસા ચાર’ જ રહો છો...2015માં પણ...

* * * * * * *

(Monday, 27 July 2015 at 11:45am)

સનસનીખેજ સમાચાર સંશોધન...

અમદાવાદની જમીનમાં ગ્લૂકોસનું પ્રમાણ વધ્યું...કૂતરાને ખવડાવતા તેણે છોડી દીધેલા બિસ્કિટ વરસાદી પાણી મારફતે જમીનમાં ભળતા ઊભી થયેલી સમસ્યા.

શું સ્થાનિક કંદોઇઓ કે સ્થાનિક સત્તાધીશો પગલાં લેશે?

* * * * * * *

પ્રતિભાશાળી રાષ્ટ્રપતિ ડૉ. એપીજે અબ્દુલ કલામ અને

પ્રતિભાવિહીન રાષ્ટ્રપતિ પ્રતિભા પાટીલ

(Thursday, 30 July 2015 at 11:48am)

એકાધિક પ્રતિભાથી છલોછલ ડૉ. એપીજે અબ્દુલ કલામનો રાષ્ટ્રપતિપદનો કાર્યકાળ પૂર્ણ થયા પછી...‘પ્રતિભા’ વિનાના પ્રતિભા દેવીસિંહ પાટીલને એ પદની સોંપણી તો કરવી જ પડી...પરંતુ...કલામસાહેબના જન્નતનશીન થવાની લગોલગ પાટીલ મૅડમએ તેનું પ્રમાણ પણ આપી દીધું...ગાડી માટે ડ્રાઇવરનો પગાર અને પૅટ્રોલ માંગીને...

અલવિદા ડૉ. અબ્દુલ કલામ...

* * * * * * *

યાકુબ મેમણ

(Friday, 31 July 2015 at 07:40pm)

“યાકુબ, ફાંસીની સજાનો અમલ થાય એ પહેલા તારી આખરી ઇચ્છા શું છે?”

“મૃત્યુની જાહેરાત પછી મારી દફનવિધિ એક મોટા મેદાનની વચ્ચો-વચ્ચ કરવામાં આવે જેથી મારા બચાવમાં કૂદી પડેલા લોકો માટે આસપાસની જગ્યા કામમાં આવે અને હું એમનો હિસાબ કરી શકું. ચાર્ટર્ડ અકાઉન્ટન્ટ છું ને...”

ડમડમબાબા ડાયલૉગ સિરીઝ.....

ગયા મહિને અહીં મુકેલી જૂન – 2015ના પ્રોફાઇલ સ્ટેટસની પોસ્ટ લિંક આ રહી –

http://www.binitmodi.blogspot.in/2015/07/2015.html

..... તેમજ ગત વર્ષોમાં અહીં મુકેલી જુલાઈ – 2011, જુલાઈ – 2012, જુલાઈ – 2013 તેમજ જુલાઈ – 2014ના પ્રોફાઇલ સ્ટેટસની પોસ્ટ લિંક અનુક્રમે આ રહી –

http://www.binitmodi.blogspot.in/2012/08/2011.html

http://www.binitmodi.blogspot.in/2012/08/2012.html

http://www.binitmodi.blogspot.in/2013/08/2013.html

http://www.binitmodi.blogspot.in/2014/08/2014.html

(સંબંધિત તસવીરો અને ઇમિજસ : નેટ પરથી)