ફેસબુક : ફન, ફંડાઝ અને ફેક્ટ્સ (સપ્ટેમ્બર – 2014)

(સપ્ટેમ્બર – 2014)

સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના બે આશય છે.

એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા અથવા દાખલ થયા પછી દૂર થયા છે તેમના સુધી પહોંચવાનો.

આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાના વિચારને 2012માં અમલમાં મૂક્યા પછી તેને નિયમિત કરતાં એ ક્રમમાં આ 47મી પોસ્ટ છે.

2010ના વર્ષની એક અને 2011, 2012 અને 2013ના વર્ષની મહિનાવાર સ્ટેટસ પ્રોફાઇલ પોસ્ટ રજૂ કર્યા પછી પ્રસ્તુત છે હવે સપ્ટેમ્બર – 2014. જે તે દિવસના વાર, તારીખ અને સમયના ઉલ્લેખ નીચે એ દિવસનું ‘સ્ટેટસ અપડેટ’ છે. ‘ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ ‘અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું. હા, ડમડમબાબા એ બ્લોગલેખકના અસ્તિત્વનો જ એક ભાગ છે.

આભાર.

(Monday, 1 September 2014 at 11:11am)

“આજે પહેલી સપ્ટેમ્બર 2014ના દિવસે ફેસબુક પર આ મારું 1111મું પ્રોફાઇલ સ્ટેટસ છે.”

“એમ? કેવી રીતે ખબર પડી?”

“એવું જાણવાની એપ / Application આવે છે.”

“રિઅલી?”...

“ખરેખર આવતી નથી. પણ કહેવામાં શું જાય છે. શોધનારા શોધ્યા કરશે અને એપ બનાવનારા બનાવ્યા કરશે. હું તમને આવી રીતે ‘બનાવું’ છું.”

ડમડમબાબા ડાયલૉગ સિરીઝ.....

* * * * * * *

કર્ણાટકના રાજ્યપાલપદે વજુભાઈ વાળાની
શપથવિધિના સાક્ષી કર્ણાટકના મુખ્યમંત્રી સિધ્ધરામૈયા

(Monday, 1 September 2014 at 06:00pm)

કૉંગ્રેસ પક્ષ તેમજ ડૉ. મનમોહન સિંહના નેતૃત્વ હેઠળની કેન્દ્ર સરકારને દસ વર્ષમાં એક પણ ગુજરાતી વ્યક્તિત્વ એવું ન મળ્યું જેમની રાજ્યપાલ પદ પર નિમણૂક કરી શકે. ભારતીય જનતા પક્ષ અને નરેન્દ્ર મોદીના નેતૃત્વ હેઠળની કેન્દ્ર સરકારને માત્ર 99 દિવસમાં જ એવું ‘વ્યક્તિત્વ’ મળી આવ્યું...

1 સપ્ટેમ્બર 2014…વજુભાઈ રૂડાભાઈ વાળાની કર્ણાટકના રાજ્યપાલ પદ પર શપથવિધિ...

* * * * * * *

(Friday, 5 September 2014 at 01:11am)

આજે પાંચમી સપ્ટેમ્બર – શિક્ષકદિન છે?...ના...વિદ્યાસહાયક દિવસ છે...

જેના પગારધોરણથી શિક્ષક ‘દીન’ થઈ ગયો છે.

* * * * * * *

(Friday, 5 September 2014 at 01:11pm)

शिक्षक कभी साधारण नहीं होता...

રૅનોલ્ટ કંપનીની MUV એવી ‘Duster’ કાર એટલી મોંઘી આવે છે કે ‘ડસ્ટર’ના ઉપયોગ વડે ટ્યૂશનની આવક કરતો શિક્ષક જ તેને ખરીદી શકે.

* * * * * * *

(Monday, 8 September 2014 at 11:00am)

ચોમાસામાં રસ્તાને જુવાની ફુટી નીકળી...

...ખીલ-ખંજનથી થોડાક ઊંડા ખાડા જો પડ્યા...

* * * * * * *

(Tuesday, 9 September 2014 at 11:11am)

આજે ભાદરવા સુદ પૂનમ – 9 સપ્ટેમ્બર, શ્રાધ્ધ પક્ષનો આરંભ...

ખીર-પૂરી-ભાતનો કાગવાસ પામનારા કાગડાઓ (અને કાગડીઓ પણ) આજથી પંદર દિવસ માટે પોતે પેજ થ્રી આઇટમ બની ગયાનો અનુભવ કરશે.

* * * * * * *

(*)

(Thursday, 11 September 2014 at 11:30am)

વાંદરાઓએ કરી છે કોરટમાં રાવ...પૂર્વજ છીએ અમે અને...

શ્રાધ્ધનાં ખીર-પૂરી ખઈ જાય...આ કાગડાની જાત...

* * * * * * *

(Saturday, 13 September 2014 at 12:34pm)

અમદાવાદના LG બ્રાન્ડ સુખ-સુવિધાના સાધનોના ધારકો જે-તે સાધનો બગડે ત્યારે રીપેરીંગ માટે ભોળાભાવે LGમાં પહોંચી જાય છે – મણિનગરની એલ.જી. હોસ્પિટલમાં.

* * * * * * *

(Monday, 15 September 2014 at 12:05pm)

125ccથી વધુ એંજિન તાકાત ધરાવતી મોટરસાઇકલ કોલ્હાપુરી ચંપલ પહેરીને ચલાવવી નહીં. કેમ કે એમાં બન્નેની આબરૂ ઓછી થાય છે.

મોટરસાઇકલની તો ખરી જ ખરી...કોલ્હાપુરી ચંપલની પણ...

(સીસી = એંજિનની ક્યૂબિક કપૅસિટિ)

* * * * * * *

(Tuesday, 16 September 2014 at 02:30pm)

વિવેક દેસાઈએ / Vivek Desai https://www.facebook.com/vivek.desai.35 ‘બનારસ’ કે ‘સાધુગીરી’ ફોટો શ્રેણી અંતર્ગત જેનો ફોટો પાડ્યો છે પરંતુ શિલ્પા દેસાઈએ / Shilpa Desai https://www.facebook.com/desai.shilpa.7 જેનું ભાષાંતર કરવાનું બાકી છે તેવો શબ્દ...

રુદ્રાક્ષ – CottonGrape

* * * * * * *

(Wednesday, 17 September 2014 at 08:08am)

ચાઇનીઝની લારીઓએ કરી છે કોરટમાં રાવ...

પાદરે (વસ્ત્રાપુરના) પધાર્યા ચીની રાષ્ટ્રપતિ અને...

પાળેથી (તળાવની) પલીતો ચાંપ્યો ચાઇનીઝની ઘરાકીને...

* * * * * * *

(Thursday, 18 September 2014 at 04:30pm)

વાંચવાનો શોખ હોય છતાં કોઈ કારણોસર પુસ્તકો ખરીદી ના શકાતા હોય...તો પણ...

...બે પુસ્તકો એવા છે જે કોઈ ને કોઈ રીતે મફતમાં વાંચવા મળી જ જતા હોય છે...

એક – જીત તમારી / You Can Win (લેખક : શિવ ખેરા) અને...

બે – પ્રેરણાનું ઝરણું (લેખક : ડૉ. જિતેન્દ્ર અઢિયા)

* * * * * * *

ગુણવંત શાહને સરમણ ઝાલાની આણ

(Sunday, 21 September 2014 at 05:00pm)

ઝાલા પોલીસના હાથે ઝલાઈ ગયાના આઠ અઠવાડિયા પછી પણ...

સેક્યુલરિઝમ વિશે અખબારી કૉલમના માધ્યમથી સાપ્તાહિક ધોરણે ટીકા-ટિપ્પણી કરીને ભૂતપૂર્વ મિત્રો સામે નિશાન સાધવાની એક પણ તક જતી ન કરતા શ્રુંગારરસના ચાહક પૂર્વ પ્રાધ્યાપક ગુણવંત શાહને ગુજરાત યુનિવર્સિટી પત્ર-લીલા કાંડના દોષિત-આરોપી પ્રાધ્યાપક સરમણ ઝાલાના ‘શ્રુંગારદર્શન’ વિશે લખવાને એક પણ શબ્દ આજ સુધી મળી આવ્યો નથી.

* * * * * * *

(Thursday, 25 September 2014 at 02:00pm)

આજથી બે શરૂઆત થશે...રાત્રે – નવરાત્રિની...અને એ પહેલાં...

બપોર પછી – દશેરા માટે ફાફડા બનાવવાની...

* * * * * * *

(Saturday, 27 September 2014 at 10:00am)

“વસ્તુ ના ગમતી હોય તો ફોટો પાડીને www.quikr.com કે www.olx.in વેબસાઇટ પર પોસ્ટ કરીને વેચી દો ને.”

“ભઈ...(કે બહેન) ત્યાંથી જ ખરીદી કરી છે...અને એ જ તો મોટી મોંકાણ છે.”

ડમડમબાબા ડાયલૉગ સિરીઝ.....

* * * * * * *

(Sunday, 28 September 2014 at 09:30am)

ભારતમાં લેન્ડલાઇન ટેલિફોનનું બિલ અને પોસ્ટ પેઇડ મોબાઇલનું આઇટમાઇઝ્ડ બિલ જો તમે પૂર્ણપણે સમજી શકો તો સમજી લો કે આપ સ્નાતક છો...

...સ્નાતક હો તો અનુસ્નાતક...અનુસ્નાતક હો તો એમ.ફિલ...એમ.ફિલ હો તો પીએચ.ડી...અને......પીએચ.ડી. હો જ તો સુપર અનુસ્નાતક છો એવું માનજો...બસ...ખુશ...

* * * * * * *

(Monday, 29 September 2014 at 11:22pm)

એક તદ્દન સ્થાનિક સંશોધન પ્રમાણે...નવરાત્રિ ગરબાના પ્રિન્ટેડ પાસની સંખ્યા ગુજરાતની કુલ વસતીને આંબી ગઈ છે.

* * * * * * *

(Tuesday, 30 September 2014 at 11:29pm)

દક્ષિણ ગુજરાત તેમજ સુરત શહેરમાંથી પ્રકાશિત થતા દૈનિક અખબારોમાં ‘ઉઠમણું’ શબ્દ બે જુદા-જુદા સંદર્ભે વપરાય છે...

એક – પારસી વ્યક્તિના અવસાનની જાણ કરતી જાહેરખબરમાં...અને...

બે – હીરાબજારમાં કામ કરતી પેઢી કાચી પડે ત્યારે...

ગયા મહિને અહીં મુકેલી ઑગસ્ટ – 2014ના પ્રોફાઇલ સ્ટેટસની પોસ્ટ લિંક આ રહી –

http://binitmodi.blogspot.in/2014/09/2014.html

..... તેમજ ગત વર્ષોમાં અહીં મુકેલી સપ્ટેમ્બર – 2011, સપ્ટેમ્બર – 2012 તેમજ સપ્ટેમ્બર – 2013ના પ્રોફાઇલ સ્ટેટસની પોસ્ટ લિંક અનુક્રમે આ રહી –

http://binitmodi.blogspot.in/2012/10/2011.html

http://binitmodi.blogspot.in/2012/10/2012.html

http://binitmodi.blogspot.in/2013/10/2013_7.html

(* નિશાની વાળી તસવીર : બિનીત મોદી, એ સિવાયની સંબંધિત તસવીરો અને ઇમિજસ : નેટ પરથી)