ફેસબુક : ફન, ફંડાઝ અને ફેક્ટ્સ (જાન્યુઆરી – 2011)

(જાન્યુઆરી – 2011)

સોશિયલ નેટવર્કિંગ સાઇટ પર જે કંઈ લખાય તેના અસ્તિત્વનું માપ સેકન્ડ – મિનિટોથી શરૂ કરીને થોડા કલાકો સુધી લંબાવી શકાય. પછી?...પછી એને ભૂલી જવાનું. આદર્શ વસ્તુસ્થિતિ એને ભૂલી જવામાં જ છે. પરંતુ અહીં બ્લોગની દિવાલ પર તેને કોપી-પેસ્ટ કરવા પાછળના આશય માત્ર બે જ છે.

એક તે એનું અસ્તિત્વ થોડા મહિના-માસ લંબાવવાનું અને બીજો તે જેઓ સોશિયલ નેટવર્કિંગ જગતમાં દાખલ નથી થયા તેમના સુધી પહોંચવાનો.

આ રીતે દર મહિને Control ‘A’ – Control ‘C’ – Control ‘V’ની મદદથી રજૂ થવાનો વિચાર છે. આનો અમલ કરવાની કોઈ નિશ્ચિત તારીખ નથી તેમ આ ક્યાં સુધી ચલાવવું તે ય નિશ્ચિત નથી. હા, પ્રતિભાવ – કમેન્ટસ્ એ નક્કી કરવામાં ચોક્કસ મદદરૂપ થશે.

એ રીતે જાન્યુઆરી – 2013 અને 2012ના સ્ટેટસ અપડેટ આ મહિનાના પ્રારંભે અહીં મુક્યા પછી હવે પ્રસ્તુત છે 2011ના આ સમયગાળાના પ્રોફાઇલ સ્ટેટસ. જે તે દિવસના વાર, તારીખ સમયના ઉલ્લેખ નીચે એ દિવસનું ‘સ્ટેટસ અપડેટ’ છે. ‘ફેસબુક’ / FACEBOOK પર આવા દરેક સ્ટેટસ અપડેટ સાથે મારું નામ અને કૌંસમાં ગામનું નામ ‘અમદાવાદ’ / Ahmedabad એમ લખતો હોઉં છું પરંતુ અહીં એમ કરવું જરૂરી નથી લાગતું.

આભાર.

(*) દિલીપ ધોળકિયા - ગાયક

(Sunday, 2 January 2011 at 07:41pm)

ગુજરાતી ગીતોમાં ઓલ ટાઇમ ગ્રેટ એવા 'તારી આંખનો અફીણી'ના ગાયક દિલીપ ધોળકિયાની વિદાય : મારા માટે પાડોશી ગુમાવ્યાની પીડા. gujarati world: 500મી પોસ્ટ: દિલીપ ધોળકિયા- દિલીપકાકા-ને દિલી અલવિદા

http://www.urvishkothari-gujarati.blogspot.in/2011/01/500.html

* * * * * * *

બચકાથી બચાવે બેલબોટમ પેન્ટ

(Friday, 7 January 2011 at 11:48pm)

અજમાવી જુઓ : (આ આયુર્વેદીક ઉપાય નથી તેમ કોઈ છાપાની આરોગ્ય કોલમમાં વાંચવા પણ નહીં મળે. ગેરન્ટી.) અમદાવાદ જેવા શહેરોમાં રખડતા કૂતરા દ્વારા કરડવાના બનાવો વધી ગયા પછી તેમાંથી બચવાનો સોલિડ ઉપાય મળી આવ્યો છે. પેન્ટની મોરી મોટી રાખો. કૂતરું કરડવાનો પ્રયત્ન તો કરશે જ પણ કાપડ સિવાય કશું હાથમાં નહીં આવે. ફેશનગુરુઓ બેલબોટમના દિવસો પાછા લાવે તો પણ કામ થઈ જાય.

* * * * * * *

(*) રવિ - સંગીતકાર

(Saturday, 15 January 2011 at 12:59am)

સંગીતકાર રવિનો નવેસરથી પરિચય કરાવતો ઉર્વીશ કોઠારીનો લેખ – મુલાકાત. gujarati world: ‘નાગીન’ના બીનથી સૌને ડોલાવનાર સંગીતકાર રવિ: ‘ગીતની ઘૂન એવી હોવી જોઇએ કે સામાન્ય માણસ પણ ગણગણી શકે’

http://www.urvishkothari-gujarati.blogspot.in/2011/01/blog-post_12.html

* * * * * * *

(*) રતન રૂસ્તમ માર્શલ - લેખક

(Sunday, 16 January 2011 at 11:42pm)

૧૦૦મા વર્ષે અમદાવાદના પાંચ અંગ્રેજી - ગુજરાતી અખબારો અને વતન સુરત સાથેનો નાતો જાળવી રાખવા ત્યાંથી પ્રગટ થતા ત્રણ અખબારોનું નિયમિત વાચન કરતા ડો. રતન માર્શલને શ્રદ્ધાંજલિ અર્પતો તેમજ તેમના વિશેની જૂની માહિતીની લીંક દર્શાવતો ઉર્વીશ કોઠારીનો બ્લોગ લેખ – શતાયુ ડૉ. રતન માર્શલને અલવિદા

http://www.urvishkothari-gujarati.blogspot.in/2011/01/blog-post_16.html

* * * * * * *

(Friday, 21 January 2011 at 1:51pm)

સ્વીસ બેન્કોમાં જમા થયેલું ભારતનું કાળુ નાણુ પાછું ન આવે તો સારું. આવશે તો સરકારી કર્મચારીઓ સીધો બારમા પગાર પંચનો અમલ કરવાની માગણી કરશે એ નક્કી.

* * * * * * *

(Sunday, 23 January 2011 at 11:01pm)

પચીસ પૈસાનો સિક્કો ભલે ચલણમાંથી ખસી જાય, પોસ્ટ વિભાગે છાપેલા પોસ્ટકાર્ડ મોકલવાનો વધારાનો ચાર્જ વસૂલવા પચીસ પૈસાની ટીકીટ છાપવાનું ચાલુ રાખવું પડશે.

* * * * * * *

હરિભાઈ પંચાલ

વિઠ્ઠલભાઈ પંડ્યા

(Monday, 24 January 2011 at 11:49pm)

અમદાવાદની આજકાલ (મંગળવાર, 25 જાન્યુઆરી 2011) મૃત્યુનો અણસાર પામી ગયેલા એક ગૃહસ્થે દેહદાનનો સંકલ્પ કરી સ્નેહીજનોને પોતાની ઇચ્છા જણાવી. સાથે-સાથે એમ પણ કહ્યું કે દેહદાન સ્વીકારવા માટે અમદાવાદ – ગુજરાતની બી.જે. મેડિકલ કોલેજ પાસે સ્ટ્રેચર, પોલ બેરર્સની(અર્થી – મૃતદેહ ઊંચકનાર, કાંધ આપનાર માટેનો અંગ્રેજી શબ્દ) વ્યવસ્થા ન હોય કે એન.એચ.એલ મ્યુનિસિપલ મેડિકલ કોલેજે લીફ્ટની વ્યવસ્થા ન કરી હોય તો મારી ઇચ્છાને પૂળો મૂકી પરંપરાગત રીતે જ અંતિમવિધિ કરજો. (જાન્યુઆરી – 2011માં અવસાન પામેલા સદવિચાર પરિવારના સ્વર્ગસ્થ હરિભાઈ પંચાલ અને સી.એન. વિદ્યાલયના અંગ્રેજીના પૂર્વ શિક્ષક વિઠ્ઠલભાઈ પંડ્યાના મૃતદેહોને વીસ દિવસના ગાળામાં મળેલી એક સરખી ટ્રીટમેન્ટ પછી લાગતા-વળગતા સહુને અર્પણ)

* * * * * * *

(Tuesday, 25 January 2011 at 11:15pm)

ધરતીકંપની ઘટનાને આજે 26 જાન્યુઆરી 2011ના રોજ દસ વર્ષ પૂરા થઈ રહ્યા છે. આટલા વર્ષ પછી પણ આ ઘટનાને હું જેમની તેમ ફરીથી અનુભવી શકું છું. કારણ મારા એપાર્ટમેન્ટના ગ્રાઉન્ડફ્લોર પર રીનોવેશનના નામે આડેધડ હથોડાઝીંક ચાલે છે. ધરતીકંપના દિવસો જેવી જ ધ્રુજારીઓ આપવા માટે પાડોશીનો આભાર.

બિનીત મોદી (રામવન એપાર્ટમેન્ટ, નેહરૂપાર્ક, વસ્ત્રાપુર, અમદાવાદ)

અગાઉ આ મહિને અહીં મુકેલી જાન્યુઆરી – 2013 તેમજ જાન્યુઆરી – 2012ના પ્રોફાઇલ સ્ટેટસની પોસ્ટ લીંક અનુક્રમે આ રહી – http://www.binitmodi.blogspot.in/2013/02/2013.html

http://www.binitmodi.blogspot.in/2013/02/2012.html

(*નિશાની વાળી તસવીરો : બિનીત મોદી, એ સિવાયની સંબંધિત તસવીરો અને ઇમિજસ : નેટ પરથી)